Эрүүл мэнд, боловсрол

БУЛГАН АЙМГИЙН ХЯЛГАНАТ ТОСГОНЫ ЭРҮҮЛ МЭНДИЙН ТӨВИЙН ТҮҮХТ 50 ЖИЛИЙН ОЙН БАЯР БОЛЖ БАЙНА
Булган аймгийн Хялганат тосгоны Эрүүл мэндийн төвийн түүхт 50 жилийн ойн баяр баярын хурлаар эхэлж байна. Тус баярын хуралд Булган аймгийн Засаг даргын орлогч О.Ундрах, аймгийн эрүүл мэндийн газрын удирдлагууд, Хялганат тосгоны удирдлагууд, тус эрүүл мэндийн төвийн үе үеийн мөр зэрэгцэн хүчин зүтгэж байсан эмч, сувилагч, эмнэлгийн албан хаагчид оролцож байна.
Хүн ардынхаа эрүүл мэндийн энхийн манаанд цаг наргүй зүтгэж байгаа та бүхэндээ баярын мэндийг хүргэе👏🏻👏🏻👏🏻

БУЛГАН АЙМАГ АНХАН ШАТНЫ ТУСЛАМЖ, ҮЙЛЧИЛГЭЭНД МОБАЙЛ ТЕХНОЛОГИЙГ НЭВТРҮҮЛЖ, АЛСЛАГДСАН БҮСИЙН ИРГЭДЭД ИЛҮҮ ХҮРТЭЭМЖТЭЙ ТУСЛАМЖИЙГ ХҮРГЭНЭ
Монгол Улсын газар нутгийн уудам байдал, хүн амын сийрэг тархалттай онцлог нь эрүүл мэндийн анхан шатны тусламж, үйлчилгээг бүх нийтэд, тэгш хүртээмжтэй хүргэхэд тодорхой бэрхшээл дагуулсаар ирсэн. Тиймээс “нэг ч хүнийг орхигдуулахгүй” зарчмыг хэрэгжүүлж, аливаа өвчнөөс урьдчилан сэргийлэх, эрт илрүүлэг, оношилогоог тогтмол хэвшүүлэхэд мобайл технологийн дэвшил, ухаалаг шийдлүүдийг эрүүл мэндийн тусламж, үйлчилгээнд нэвтрүүлэх нь онцгой ач холбогдолтой болж байна.
Булган аймаг энэхүү шинэ хандлагыг бодит ажил хэрэг болгон, анхан шатны эрүүл мэндийн байгууллагуудын мэргэжилтнүүдийн мэдлэг, ур чадварыг нэмэгдүүлэх зорилгоор мобайл технологи, спирограммын төхөөрөмж ашиглах чиглэлийн сургалтыг үе шаттайгаар зохион байгуулж эхэллээ.
2025 оны 6 дугаар сарын 26-27-ны өдрүүдэд Булган суманд зохион байгуулагдаж буй “Эрүүл мэндийн анхан шатны тусламж, үйлчилгээнд мобайл технологийн хэрэглээг өргөжүүлэх нь” сэдэвт сургалтад сум, тосгон, өрхийн эрүүл мэндийн төвүүдийн 24 эмч, мэргэжилтэн хамрагдаж байна.
Энэхүү сургалтын зорилго нь эрүүл мэндийн ажилтнуудыг орчин үеийн техник, технологид суурилсан оношилогоо, урьдчилан сэргийлэх тусламжийг цаг алдалгүй үзүүлэхэд бэлтгэх, технологийн дэвшлийг газар дээр нь үр дүнтэй хэрэглэх чадварыг бий болгоход чиглэж байна.
Сургалтыг эрүүл мэндийн салбартаа танигдсан туршлагатай сургагч багш нар удирдан явуулж байгаа бөгөөд тэдгээрийн бүрэлдэхүүнд:
Б.Дулам – Анагаах ухааны магистр, дүрс оношлогооны резидент, Сайхан сумын Эрүүл мэндийн төвийн дарга, их эмч
Д.Даваадулам – Сэлэнгэ сумын Эрүүл мэндийн төвийн их эмч
У.Мягмарсүрэн – Булган аймгийн Нэгдсэн эмнэлгийн Дотор-арьсны тасгийн эрхлэгч, их эмч
нар орж ажиллаж байна.
Сургалтын хүрээнд оролцогчид спирограммын багаж төхөөрөмжийг ашиглан уушгины үйл ажиллагааг үнэлэх, өвчний эрсдэлтэй бүлгийг эрт илрүүлэх, мэдээллийг ухаалаг төхөөрөмжөөр дамжуулан эмнэлгийн цахим системд шууд оруулах, хөдлөх боломжгүй иргэдэд ч түргэн шуурхай тусламж үзүүлэх арга зүйд суралцаж байна.
Энэхүү үйл ажиллагаа нь зөвхөн эмч, мэргэжилтнүүдийн чадавхыг нэмэгдүүлэхээс гадна орон нутгийн иргэдийн эрүүл мэндийг хамгаалах тогтолцоог шинэ шатанд гаргаж, алслагдсан бүс нутагт хүртээмжтэй, чанартай тусламж, үйлчилгээг хүргэх бодит алхам болж байгаагаараа онцлог юм.

ХҮҮХДИЙН ЖАРГАЛАНТ ЗУСЛАН
60 жилийн түүхтэй хүүхдийн жаргалант зуслан энэ оны нэгдүгээр ээлжийн амрагчдаа хүлээн авч цэнхэр жаргалантын бяцхан хотхон хүүхдийн дуугаар цангинаж байна. Аймгийн Засаг даргын үйл ажиллагааны хөтөлбөрт туссан Амьд хөгжим дэд хөтөлбөрийн хүрээнд нэгдүгээр ээлжийн 60 хүүхдэд мэргэжлийн багштай гитар хөгжмийн хичээл орж байна. Хүүхдүүд энэ 10 хоногийн хугацаанд гитар хөгжмийн анхан шатны хичээлийг үзэж цаашид бие даан гитар хөгжим тоглож чадах мэдэгдэхүүнийг олж авчээ. Энэ ажилтай танилцахаар өнөөдөр аймгийн Засаг дарга Д.Пүрэв-Очир Жаргалант зусланд айлчиллаа. Хүүхдүүд аймгийн удирдлагад сурсан мэдсэн зүйлсээсээ хуваалцаж аялгуу хөгжмөө тоглож өгсөн бол аймгийн Засаг дарга амрагч хүүхдүүдэд хандан сурсан зүйлээ улам лавшруулан судалж, үеийн олон хүүхдүүддээ заах, цаашлаад мэргэжлийн хөгжимчин болох хүртлээ хичээхийг захисан юм.
Жаргалант зуслангийн дараагийн ээлжид “Англи хэлтэй Булган” хөтөлбөрийн хүрээнд англи хэлний сургалт хичээллэнэ.

БУЛГАН СУМАНД БАРИГДАЖ БУЙ 60 ОРТОЙ СУВИЛЛЫН ЯСЛИЙН БАРИЛГЫН АЖИЛТАЙ ТАНИЛЦЛАА
Улсын төсвийн 2,9 тэрбум төгрөгийн хөрөнгө оруулалтаар гүйцэтгэж буй 60 ортой тусгай хэрэгцээт сувиллын яслийн барилгын зураг төслийг “Энхийн жаргал констракшин” хийж, барилга угсралтын ажлыг “Алтайн бумбат өргөө” ХХК гүйцэтгэж байна. Өнөөдрийн байдлаар тус барилгын ажлын явц 80 хувьтай байна. Аймгийн Засаг дарга гүйцэтгэгч компанид гэрээний хугацаандаа ашиглалтад өгөх талаар үүрэг болголоо.

ЖАРГАЛАНТ"-ХҮҮХДИЙН ЗУСЛАН 2025/06/16-ны ӨДРӨӨС ЭХЛЭН АЖИЛЛАЖ БАЙНА
📌Бүртгүүлэх заавар:
- Дугаар авах
- Төлбөр төлөх
- Эрхийн бичиг авах
📌Бүрдүүлэх материал:
- Эрүүл мэндийн хуудас
- Эцэг, эхийн зөвшөөрлийн хуудас
- Эрхийн бичиг
- Улаан бурхан өвчний вакцинд хамрагдсан байх
📌Төлбөр:
Өдрийн 40,000₮
📌Бүртгэл эхлэх:
- 2025.06.09 өдөр эхэлнэ
📌Дэлгэрэнгүй мэдээллийг:
94220579, 99199028 дугаарын утсаар лавлана уу.

Энэ жилийн Элсэлтийн ерөнхий шалгалт 6 сарын 18-ны өглөө 10:00 цагаас эхэлж 4 хоног үргэлжилнэ.
Хүүхдүүд шалгалтандаа яарч сандран хоцрох, бичиг баримтаа мартах, орхих, гээх тохиолдол гардаг тул эцэг эх, асран хамгаалагч томчууд та бүхэн анхааран, тусалж дэмжээрэй👍
Олон хүүхэд шалгалтаа сандралгүй тайван өгч өндөр дээд оноо авч хүссэн мэргэжлээрээ суралцах болтугай😊
#ЭЕШ_Өгөх_хүүхдүүддээ_бүгдэнд_нь_амжилт💯

ӨНӨӨДӨР ОЛОН УЛСЫН ЭХ БАРИГЧДЫН ӨДӨР
Булган аймгийн Засаг даргын орлогч О.Ундрах Эх, нярайн амь насыг хамгаалах хүндтэй их үйлсэд хүчин зүтгэж буй Булган нутгийнхаа бүх эх баригчдадаа талархал илэрхийлэн
2024 ондоо ажил хөдөлмөрөөрөө манлайлсан эх баригч эмч нартаа салбарын шагналыг гардуулан баяр хүргэлээ.
Эх баригч эмч нартаа баярын мэнд хүргэе🤍

100 ЖИЛИЙН ТҮҮХТ I СУРГУУЛИЙН ЭРДМИЙН БАЯР БОЛЛОО
2025 онд 100 жилийн ой нь тохиож буй нэгдүгээр сургуулийн эрдмийн баярын нээлтэд Булган аймгийн Засаг дарга Д.Пүрэв-Очир баярын мэндчилгээ дэвшүүллээ. Бага дунд ангиа дүүргэж анги дэвшиж буй сурагчид, сургуулиа төгсөж мэргэжил эзэмшихээр бэлтгэж буй суралцагчдадаа элсэлтийн шалгалтдаа өндөр оноо авч, хүссэн сургуульдаа, сонирхсон мэргэжлээ сонгож, амьдралын уудамд жигүүр дэлгэн дүүлэн нисэж, дэлхийн олон оронд эрдэм суран эх орон, элгэн нутагтаа сэтгэлтэй, ирээдүйдээ итгэлтэй байхыг захилаа.
Зуун жилийн түүхт сургуулийн эрхэм багш нар сургуулийн ажилтан албан хаагчдад баярын мэнд хүргэж, нийт сурагчдад сурлага хөдөлмөрийн их амжилт хүслээ.

САЙХАН СУМЫН ЭРҮҮЛ МЭНДИЙН ТӨВ ЭХО АППАРАТТАЙ БОЛЛОО
Булган аймгийн Засаг дарга Д.Пүрэв-Очир Сайхан сумын эрүүл мэндийн төвд шаардлагатай эхо аппаратыг гардуулан өглөө. Хэт авиан эхо аппаратыг улсын төсвийн хөрөнгө оруулалтаар шийдвэрлэсэнээр эмнэлэгийн тусламж үйлчилгээ иргэдэд ойртох юм.
Эрүүл иргэн-Эрүүл Булган

БУЛГАН АЙМГИЙН БУЛГАН СУМЫН II СУРГУУЛИЙН ЭРДМИЙН БАЯР БОЛЛОО
Булган аймгийн Засаг Дарга Д.Пүрэв-Очир өөрийнхөө суралцаж төгссөн хоёрдугаар сургуулийг өнөөдөр мөн төгсөж буй суралцагчдадаа болон анги дэвшиж буй бяцхан сурагчдад эрдмийн их амжилт хүсэж, Булганы чадварлаг мэргэжилтэн, оюунлаг сэхээтэн, хөдөлмөр бүтээлээрээ Булган аймгийнхаа нэрийг өндөрт гаргаж, дэлхийн боловсролыг эзэмшихийг хүсэж, цаашдын ажил амьдрал сурлага урлаг спортод их амжилт хүслээ.