Соёл урлаг, спорт

БУЛГАН АЙМАГТ ХОЙД БҮСИЙН АЙМГУУДЫН СПОРТЫН НААДАМ ЭХЭЛЛЭЭ
Бүсчилсэн хөгжлийн бодлогын хүрээнд Монгол Улс даяар зохион байгуулагдах Бүсийн спортын их наадмын Хойд бүсийн тэмцээн эхэллээ.
Тэмцээнд Булган, Хөвсгөл, Орхон аймгаас шалгарсан 400 гаруй тамирчин сагсан бөмбөг, волейбол, шатар, ширээний теннис, үндэсний бөх, сур, шагайн харваа гэсэн 7 төрөлд хурд хүч авхаалж самбаа цэц мэргэнээ үзэж аваргуудаа тодруулах юм.
Хойд бүсийн спортын наадмын нээлт 5 сарын 3-ны 13 цагаас Биеийн тамир, спортын газарт болно.
Хойд бүсийн нийт баг тамирчдадаа спортын өндөр амжилт хүсье.

"ДӨЛ" ЦЭРЭГ СПОРТЫН ЦОГЦОЛБОР ТЭМЦЭЭНИЙ АВАРГУУД УЛСАД ЯВАХ ГЭЖ БАЙНА
Булган аймгийн ерөнхий боловсролын сургуулиудын ахлах ангийн сурагчдын дунд зохион байгуулдаг "Дөл" цэрэг спортын цогцолбор тэмцээнд нийт 8 баг 90 гаруй тамирчид оролцож, хурд хүч авхаалж самбаагаа сорин өрсөлдөж аваргаа тодрууллаа. Тус тэмцээний I байранд М.Адарсүрэн тасгийн захирагчтай Тэшиг сумын баг тамирчид цом, өргөмжлөл, алтан медаль хүртэж Булган аймгаа төлөөлөн улсын тэмцээнд оролцохоор бэлтгэлээ хийж байна.
Булган аймгийн Засаг даргын тамгын газрын даргын албыг түр орлон гүйцэтгэгч Д.Наранбаяр баг тамирчдыг хүлээн авч уулзаж тэмцээнд нь амжилт хүслээ.

ХАНГИНАХЫН ШУГУЙН ШАГАЙН ТОЙРМЫН АВАРГУУД ТОДОРЛОО
Төв Халхын эртний гурван том тойрмын нэг Хангинахын шагай тойром 400 зуун жилийн эртний түүхтэй бөгөөд, монос цэцэглэх үеэр шагай харвахаар цугладаг байснаараа бусад тойрмуудаас онцлогтой.
Булган аймгийн Хутаг-Өндөр сумын Хантай багийн Хангинахын шугуйн шагайн тойромд 8 аймгийн 250 гаруй харваачид хүрэлцэн ирж оролцон, цэц мэргэнээ сорилоо.
Цуваа харвааны төрөлд
1-р байр- Монгол улсын Дархан Мэргэн Д.Одгэрэл
2-р байр- Монгол улсын Үлэмж Дархан мэргэн, спортын мастер А.Энхманлай
3-р байр -Аймгийн Гоц мэргэн Б.Санзайжамц
Багийн харвааны төрөлд
1. 1-р байр- Өвөрхангай аймгийн харьяат Монгол улсын мэргэн Г.Наранбат ахлагчтай “Гуа орд” баг
2. 2-р байр- Говь-Алтай аймгийн харьяат аймгийн Гоц мэргэн Г.Лхагвасүрэн ахлагчтай “Хөх морьт” баг
3. 3-р байр- Дундговь аймгийн харьяат аймгийн Гоц Мэргэн Б.Мөнх-Эрдэнэ ахлагчтай “Найман” баг
4. Дорноговь аймгийн харьяат Монгол улсын Үлэмж Дархан мэргэн, спортын мастер Б.Баттулга ахлагчтай “Номт Даншиг” баг
5. 5-8 дугаар байранд- Булган аймгийн харьяат аймгийн Гоц мэргэн З.Энхбаяр ахлагчтай “Баярт чанар” баг, Булган аймгийн залуу харваач Б.Мөнхтүвшин ахлагчтай “Ингэт толгой” баг, Орхон аймгийн харьяат залуу харваач Ж.Энхмандах ахлагчтай “Нумт өрлөг” баг, Төв аймгийн харьяат аймгийн Гоц мэргэн Л.Мөнхбаяр ахлагчтай “Төв аймаг” баг тус тус шалгарлаа.
Хангинахын шугуйн шагайн тойрмыг хүндэтгэн ирж оролцсон нийт харваачдадаа цол нэмэхийн ерөөл өргөе.

ДАШИНЧИЛЭН СУМЫН "ЗӨВ" ӨРХИЙН ГИШҮҮДТЭЙ УУЛЗАЛТ ХИЙЛЭЭ

ЦОГТ ХУНТАЙЖИЙН ТАЛБАЙД “ҮНДЭСНИЙ БИЧИГ СОЁЛ, НОМЫН ӨДРҮҮД 2025” ЗОХИОН БАЙГУУЛАГДАЖ БАЙНА
Үндэсний бичиг соёл номын өдрүүд 37 дахь удаагийн хаврын номын баярын нээлтэнд Булган аймгийн Засаг дарга Д.Пүрэв-Очир, Тамгын газрын дарга Д.Наранбаяр болон номонд дуртай сурагчид, багш сурган хүмүүжүүлэгчид, номын худалдаа эрхлэгчид, худалдан авагчид хүрэлцэн ирж, Монгол үндэстэн оршин тогтнох соёл, сэтгэлгээний дархлаа болсон үндэсний бичиг үсгийн боловсролыг сурч эзэмших, судлан сурталчлах, номын өв санг баяжуулах, хүүхэд залуучуудын ном унших хүсэл сонирхлыг нэмэгдүүлэх, үндэсний нэгдмэл үнэт зүйлийг бэхжүүлэх зорилгоор зохион байгуулж буй олон талт үйл ажиллагаанд оролцож байна.

БУЛГАН АЙМАГТ МУЗЕЙН АЖИЛТНУУДЫГ ЧАДАВХЖУУЛАХ “МУЗЕЙН ҮЗҮҮЛЛЭГ ДЭГЛЭЛТ” СУРГАЛТ ЗОХИОН БАЙГУУЛАГДАЖ БАЙНА
Булган аймгийн Засаг дарга Д.Пүрэв-Очир: Монголын үндэсний музейн ажилтан албан хаагчдад хандан Булган аймгийн музейн үзүүллэг дэглэлтийг хамтран шинэчлэх ажлыг амжилттай зохион байгуулсанд талархал илэрхийлж, өнөөдрийн энэхүү сургалтад Булган аймагт хүрэлцэн ирсэн нийт оролцогчдод амжилт хүслээ.
Музейн ажилтнуудыг чадавхжуулах сургалтад улс аймгийн чанартай 9 музей, Булган Орхон Баянхонгор Сэлэнгэ Хөвсгөл Эрдэнэзуу, Хархорум, Хөшөө цайдам музейн захирал, арга зүйч, сан хөмрөгч, эрдэм шинжилгээний ажилтан, бүртгэл мэдээллийн санч, боловсролын ажилтан, тайлбарлагчид болон Булган, Орхон, Баянхонгор аймгийн сумдын соёлын төвийн музей, соёлын өвийн 90 гаруй ажилтан албан хаагчид хамрагдаж байна.

“ЦОГТ ХУНТАЙЖИЙН САНААШРАЛ” БАРИМТАТ КИНОГ НЭЭЛЭЭ
Монгол Улсын Үндэсний Номын Сангийн бүтээл “Цогт хунтайжийн санаашрал” баримтат киног Монгол Улсын Үндэсний Номын Сангаас “Халхын Цогт хунтайжийн хадны бичээс”-ийг ЮНЕСКО-ын “Дэлхийн дурсамж” хөтөлбөрийн олон улсын баримтат өвийн жагсаалтад бүртгүүлсэн болон бичээсний 400 жилийн ойд зориулан бүтээсэн бөгөөд Их эрдэмтэн, академич Б.Ринчений мэндэлсний 120 жилийн ой, "Цогт тайж" киноны 80 жилийн ойг тохиолдуулан Үндэсний бичиг үсгийн баяраар нээлтийг хийж буй юм.
Мини кино театрын анхны үзвэр, “Цогт хунтайжийн санаашрал” баримтат киноны нээлтийн ёслолд Монгол Улсын Үндэсний Номын Сангийн захирал, МУСГЗ Б.Ичинхорлоо, УИХ-ын гишүүн С.Эрдэнэболд, Дуун өгүүлэгч, МУАЖ Г.Равдан, Цогт хунтайжийн холбогдолтой түүхэн сурвалжуудаар нэгэн сэдэвт бүтээл туурвиж, эрдмийн зэрэг хамгаалсан доктор Д.Бүдсүрэн, ШУА-ийн Хэл зохиолын хүрээлэнгийн салбарын эрхлэгч, доктор А.Алимаа, каллиграфын их мастер Д.Батбаяр, Зүүн хүрээ Дашчойлин хийдийн бурхан урлаач лам М.Эрдэмбилэг, Сүхбаатар дүүргийн ЕБ-ын 2 дугаар сургуулийн Монгол хэл, бичиг, уран зохиолын багш В.Уянга нарын хүндэт зочдын төлөөлөл оролцож, Үндэсний урлагийн их театрын уртын дуучин, МУГЖ Г.Энхбаатар, морин хуурч Мөнгөншагай "Өвгөн шувуу хоёр" уртын дуугаар ая барилаа.
“Цогт хунтайжийн санаашрал” баримтат киног бүтээхэд Цогт хунтайжийн түүхэнд холбогдох газар нутгаар зураг авалтыг хийж, Монгол Улсын Үндэсний Номын Сангийн сан хөмрөгт хадгалагдаж буй түүхэн сурвалж бичгүүдэд тулгуурлан зохиолыг гаргаж, олон нийтэд дэлгэн харуулсан түүхэн сэдэвт утга уянгын баримтат кино болжээ.
“Цогт хунтайжийн санаашрал” баримтат киног 2025 оны 5 дугаар сарын 23-ны өдрийг хүртэл өдөр бүр 15:30 цагт Үндэсний Номын Сангийн мини кино театрын дэлгэцээр олон нийтэд толилуулах юм.
Мэдээллийг Монгол Улсын Үндэсний номын сан /National Library of Mongolia/

"ДӨЛ" ЦЭРЭГ СПОРТЫН ЦОГЦОЛБОР ТЭМЦЭЭНИЙ АВАРГА ТОДОРЛОО
Булган аймгийн ерөнхий боловсролын сургуулиудын ахлах ангийн сурагчдын дунд зохион байгуулдаг "Дөл" цэрэг спортын цогцолбор тэмцээнд нийт 8 баг 90 гаруй тамирчид оролцож, хурд хүч авхаалж самбаагаа сорин өрсөлдөж аваргаа тодрууллаа. Тус тэмцээний I байранд М.Адарсүрэн тасгийн захирагчтай Тэшиг сумын баг тамирчид цом, өргөмжлөл, алтан медаль, мөнгөн шагнал хүртсэн бол II байранд З.Ууганбаяр тасгийн захирагчтай Булган сумын 1-р сургуулийн баг тамирчид, мөнгөн медаль, өргөмжлөл, мөнгөн шагналын болзол хангалаа.
Дөл тэмцээний III байранд М.Мягмардорж тасгийн захирагчтай Сайхан сумын баг хүрэл медаль, өргөмжлөл, мөнгөн шагналын эзэд боллоо.
Тусгай байранд Б.Баттүшиг тасгийн захирагчтай Хутаг-Өндөр сумын баг, С.Сэргэлэнбаатар тасгийн захирагчтай Булган сумын 2-р сургуулийн баг шалгарлаа.
Дөл тэмцээнд оролцсон нийт сурагчдадаа сурлага спортын их амжилт хүсье.

БҮСЧИЛСЭН ХӨГЖИЛ-ХОЙД БҮС-ИРГЭДИЙН СПОРТЫН НААДАМ АМЖИЛТТАЙ БОЛЖ ӨНДӨРЛӨЛӨӨ
Бүсчилсэн хөгжлийн бодлогын хүрээнд зохион байгуулж буй Иргэдийн спортын их наадмын Хойд бүсийн тэмцээн Булган аймагт 3 өдрийн турш болж өнөөдөр өндөрлөлөө. Тус наадамд үндэсний бөх, үндэсний сурын харваа, шагайн харваа, волейбол, сагсан бөмбөг, шатар, ширээний теннис гэсэн 7-н төрөлд 3 насны ангилалд 400 гаруй тамирчид оролцсон.
Иргэдийн спортын наадамд спортын цолгүй, тухайн орон нутагт оршин суугаа иргэд оролцож буйгаараа онцлог байсан юм.
Хойд бүсийн иргэдийн спортын наадмын багийн дүнгээр 1-р байр Орхон аймаг 40 оноогоор, 2-р байр Булган аймаг 51 оноогоор, 3-р байр Хөвсгөл аймаг 56 оноогоор тус тус шалгарч тэмцээний шилдгүүд удахгүй болох улсын наадамд оролцох батламжаа гардан авлаа.

ХОЙД БҮСИЙН СПОРТЫН НААДМЫН НЭЭЛТ БОЛЖ, ХОЁР ДАХЬ ӨДРӨӨ ТЭМЦЭЭН ҮРГЭЛЖИЛЖ БАЙНА
Бүсчилсэн хөгжлийн бодлогын хүрээнд зохион байгуулж буй Иргэдийн спортын их наадмын Хойд бүсийн тэмцээн Булган аймагт үргэлжилж, өнөөдөр нээлтээ хийлээ.
Нээлтэнд Булган аймгийн Засаг даргын тамгын газрын Төрийн захиргаа удирдлагын хэлтсийн дарга Д.Эрдэнэбилэг албаны бусад хүмүүстэй оролцож тэмцээнд оролцож буй сагсан бөмбөг, гар бөмбөг, ширээний теннис, үндэсний бөх, үндэсний сурын харваа, шагайн харваа, шатар гэсэн 7-н төрөлд оролцож буй нийт 400 гаруй тамирчдад спортын амжилт хүслээ. Спортын наадамд аймаг орон нутагтаа ажиллаж, амьдарч байгаа, тухайн төрөлдөө цол зэрэггүй иргэд оролцож байгаагаараа онцлог юм.
Энэхүү тэмцээн нь бүс бүрийн аварга шалгаруулах тэмцээнээр үргэлжилж ирэх 6 дугаар сард Улаанбаатар хотноо шигшээ шатанд бүс бүсээс шалгарсан шилдгүүд өрсөлдөх юм.
Нийт оролцогч баг тамирчдадаа амжилт хүсье.