Мэдээ

БУЛГАН АЙМАГТ ОБЕГ-ЫН ДАРГА, ХОШУУЧ ГЕНЕРАЛ Г.АРИУНБУЯН АЖИЛЛАЖ БАЙНА
Булган аймгийн Засаг дарга Д.Пүрэв-Очир Онцгой байдлын ерөнхий газрын дарга, хошууч генерал Г.Ариунбуянг хүлээн авч уулзлаа.
Уулзалтын үеэр Засаг дарга Д.Пүрэв-Очир: Булган аймгийн өвөлжилт өнөтэй болж, хаваржилт таатай эхэлж байгааг дуулган, цаг үеийн нөхцөл байдлыг танилцуулан, Онцгой байдлын ерөнхий газраас Булган аймагт онцгойлон анхаарч ажиллахуйц санал дэвшүүлэн, биечлэн ажиллаж байгаад талархал илэрхийллээ.
Уулзалтын дараа Булган аймгийн онцгой комисс бүрэн бүрэлдэхүүнээрээ хуралдаж, аймгийн гамшгаас хамгаалах үйл ажиллагааны чиглэлээр авч хэрэгжүүлж буй арга хэмжээ, цаг үеийн нөхцөл байдлыг танилцууллаа.
ОБЕГ-ын дарга хошууч генерал Г.Ариунбуян цаг үеийн асуудлаар 16 үүрэг бүхий чиглэлийг өгснөөр албаны уулзалт өндөрлөлөө.

БУЛГАНЫ СЭРГЭЛТ ХӨТӨЛБӨР-ЭРҮҮЛ БУЛГАН
Булган аймгийн Эрүүл мэндийн газар “Эмнэлгийн тусламж үйлчилгээний чанарыг сайжруулах жил”-ийн хүрээнд эмнэлгийн мэргэжилтний, мэргэжлийн үйл ажиллагаанд баримтлах харилцаа, хандлага, ёс зүйн хэм хэмжээг сайжруулах, нотолгоонд суурилж хөгжих арга зүйг эзэмшүүлэх зорилгоор зохион байгуулагдаж буй “Удирдах ажилтны зөвлөгөөн”-ийг Засаг дарга Д.Пүрэв-Очир нээж, хүн ардынхаа эрүүл мэндийн манаанд эгнэгт зогсдог эмч, эмнэлгийн ажилтан, албан хаагчдадаа талархал илэрхийлэн, салбарын шилдгүүдэд шагнал гардуулан, баяр хүргэлээ.
”Булган аймгийн Засаг даргын 2024-2028 онд хэрэгжүүлэн ажиллах "Булганы сэргэлт" үйл ажиллагааны хөтөлбөр, “Эрүүл Булган” хөтөлбөрийн танилцуулгыг Засаг даргын орлогч О.Ундрах Булган аймгийн эрүүл мэндийн салбарын төлөөлөл, сумдын Засаг даргын орлогч нарт танилцууллаа.
"Эрүүл Булган" хөтөлбөрийн хүрээнд хэрэгжүүлэх бодлого чиглэлийг танилцуулж, аймгийн хэмжээнд эрүүл мэндийн салбарт тулгамдаж буй асуудал, гарах арга замыг бодлогын түвшинд хэрхэн шийдвэрлэх, мөн иргэн бүр өөрсдийн эрүүл мэндийг онцгойлон анхаарч, "Эрт илрүүлэгт" идэвхтэй хамрагдахыг уриаллаа.
Иргэн бүр эрүүл Булган

АЙМГИЙН АВАРГА ШАЛГАРУУЛАХ ӨСВӨРИЙН "ШАГАЙН ХАРВАА" ЭХЭЛЛЭЭ
Шагайн харваа нь Монголын ард түмний үндэсний уламжлалт спортын нэгэн төрөл бөгөөд харваачдад болон залуу үеийнхэнд бие бялдар, гоо сайхны хүмүүжил олгох, эрүүл мэнд, сэтгэл зүйн хатуужлыг бэхжүүлэх, хамт олонч байх, ахмад үеэ хүндэтгэх уламжлалт ёс, жаягийг өвлүүлэх үндсэн зорилготой.

“БУЛГАН–ОРОН СУУЦ”, “ДЭД БҮТЦИЙН СЭРГЭЛТ”
Аймгийн Засаг даргын 2024-2028 оны хэрэгжүүлэн ажиллах "Булганы сэргэлт" үйл ажиллагааны хөтөлбөрийн
“БУЛГАН–ОРОН СУУЦ” хөтөлбөр, “ДЭД БҮТЦИЙН СЭРГЭЛТ” хөтөлбөрийн хүрээнд хийгдэх ажлын уулзалт боллоо.
Булган сумын төв Магсаржавын гудамж буюу "Сүүдэр Царам" захын бизнес, худалдаа үйлчилгээ эрхлэгчидтэй уулзаж хуучин барилга байгууламжийг шинэчлэн, шинэ төлөвлөлтөд оруулах ажлыг эхлүүлэхээр Аймгийн Засаг даргын орлогч О.Ундрах, Булган сумын Засаг дарга Д.Бямбажаргал, аймгийн Засаг даргын Хөрөнгө оруулалт хариуцсан зөвлөх, АИТХ-ын төлөөлөгч Д.Мэндсайхан, Газрын харилцаа барилга, хот байгуулалтын газрын дарга Ү.Бямбасүрэн нар газар эзэмшигч иргэдийн төлөөлөлтэй уулзаж санал бодлоо солилцож, зөвшилцлөө.

“БУЛГАН–ОРОН СУУЦ”, “ДЭД БҮТЦИЙН СЭРГЭЛТ”
Аймгийн Засаг даргын 2024-2028 оны хэрэгжүүлэн ажиллах "Булганы сэргэлт" үйл ажиллагааны хөтөлбөрийн “БУЛГАН–ОРОН СУУЦ” хөтөлбөр, “ДЭД БҮТЦИЙН СЭРГЭЛТ” хөтөлбөрийн хүрээнд хийгдэх ажлын уулзалт боллоо.
Тодруулбал: Булган сумын төв буюу худалдааны гудамжны хуучин барилга байгууламжийг шинэчлэн, шинэ төлөвлөлтөд оруулах ажлыг эхлүүлэхээр Аймгийн Засаг даргын орлогч О.Ундрах, Булган сумын Засаг дарга Д.Бямбажаргал нар газар эзэмшигч иргэдийн төлөөлөлтэй уулзаж санал бодлоо солилцож, зөвшилцлөө.

"ЭРСДЭЛГҮЙ ИРЭЭДҮЙ" хамтарсан багийн гишүүдийг чадваржуулах сургалт эхэллээ
МИГ даатгал компаниас зохион байгуулж буй "Эрсдэлгүй ирээдүй" төсөл хөтөлбөрийн хүрээнд, хүүхэд хамгааллын үйлчилгээ дэх төрийн болон төрийн бус байгууллагын хамтын ажиллагааг нэмэгдүүлэх, орон нутаг дахь хамтарсан багийн гишүүдийг чадавхижуулах, эрсдэлт нөхцөл дэх хүүхдүүдийн үнэлгээ хийхэд хамтарсан багийг чиглүүлэх зорилгоор зохион байгуулагдаж байна.
Сургалт 2 өдрийн турш /2025.04.08-09/ үргэлжлэх бөгөөд 16 хамтарсан багийн хүүхдийн өмнө үүрэг хүлээгч 238 албан хаагч оролцож байна.

БҮСЧИЛСЭН ХӨГЖИЛ ТӨРИЙН АЛБАНЫ МАНЛАЙЛАЛ ХОЙД БҮСИЙН ЗӨВӨЛГӨӨН ХОЁРДОХ ӨДРӨӨ ҮРГЭЛЖИЛЖ БАЙНА
Булган Орхон Хөвсгөл хойд бүсийн зөвөлгөөнд Монгол улсын төрийн албаны шинэтгэл үр дүн, Төрийн албан хаагчийн ёсзүй манлайлал, Орон нутаг дахь төрийн албаны шинэтгэл, сорил, шийдэл, Төрийн албаны шинэтгэл ёс зүй, Төрийн албан хаагчийн хөдөлмөрлөх эрх, нийгмийн баталгааны хэрэгжилт зэрэг илтгэл, панел хэлэлцүүлгүүд өрнүүлж байна.
Хойд бүсэд төрийн 451 байгууллагад 16574 төрийн албан хаагч ажиллаж, төрийн бодлого, зорилт, чиг үүргийг хэрэгжүүлж, иргэдэд үйлчилдэг юм. Бүсийн сургалт, зөвлөгөөнд Орхон, Хөвсгөл, Булган аймгийн нийт 400 гаруй албан хаагчийг хамрууллаа.

"ТӨРИЙН АЛБАН ХААГЧ ЭМЭГТЭЙЧҮҮДИЙН КАРЬЕР ХӨГЖИЛ, УДИРДАХ ТҮВШИН ДЭХ ЖЕНДЭР" СУРГАЛТ
Төрийн албан хаагч эмэгтэйчүүдийн идэвхи оролцоо, манлайллыг нэмэгдүүлэх, ур чадварыг бэхжүүлэх, бие биенээсээ суралцахад дэмжлэг үзүүлэх зорилготой тус сургалтанд
Булган Орхон Хөвсгөл аймгийн төрийн албан хаагч 70 эмэгтэй оролцож карьерийн тухай ойлголт, хөгжлийн алхамууд, карьер төлөвлөлт ба хөгжлийн шинэ хандлага, хөгжил ба жендэр сэдвээр суралцаж, хичээлийн дүгнэлт, сургалтын үнэлгээг оролцогчид гаргаж багаар хамтран ажиллалаа.

БҮСЧИЛСЭН ХӨГЖИЛ ТӨРИЙН АЛБАНЫ МАНЛАЙЛАЛ ХОЙД БҮСИЙН ЗӨВӨЛГӨӨН 5 ТАНХИМД ЗОХИОН БАЙГУУЛАГДАЖ БАЙНА
Хөдөлмөрийн тухай хууль тогтоомжийн хэрэглээ сэдэвт илтгэл хэлэлцүүлэгт хойд бүсийн төрийн үйлчилгээний удирдах, гүйцэтгэх 100 албан хаагчид оролцож Эрдэнэт үйлдвэрийн Соёл урлагийн цогцолборын бага танхимд зөвөлгөөн өрнөж байна.

МОНГОЛ УЛСЫН ТӨРИЙН АЛБАНЫ ЗӨВЛӨЛ БАЙГУУЛАГДСАНЫ 30 ЖИЛИЙН ОЙН АЖЛЫН ХҮРЭЭНД БҮСЧИЛСЭН ХӨГЖИЛ ТӨРИЙН АЛБАНЫ МАНЛАЙЛАЛ ХОЙД БҮСИЙН ЗӨВӨЛГӨӨН ЗОХИОН БАЙГУУЛАГДАЖ БАЙНА
Хойд бүсийн зөвөлгөөн 2025 оны 4 сарын 7-8 нд Орхон аймагт зохион байгуулагдаж Төрийн албаны зөвлөлийн Булган, Орхон, Хөвсгөл аймаг дахь салбар зөвлөлийн дарга, гишүүд болон төрийн захиргааны удирдах, гүйцэтгэх 400 гаруй албан хаагчид оролцож байна.
Төрийн албаны зөвлөлийн гишүүн Б.Идэрчулуун хуралдааныг чиглүүлж, “Төрийн албаны хууль тогтоомжийн хэрэглээ сургалт” хэлэлцүүлгийг Маргаан хянан шалгах газрын дарга Ч.Бат-Эрдэнэ Эрдэнэт үйлдвэрийн Соёл урлагийн цогцолборын их танхимд эхлүүллээ.