Мэдээ

АЙМГИЙН ЗАСАГ ДАРГА СУМДЫН ЗАСАГ ДАРГА НАРТАЙ 2025 ОНД ХАМТРАН АЖИЛЛАХ ГЭРЭЭ БАЙГУУЛЛАА

АЙМГИЙН ЗАСАГ ДАРГА АГЕНТЛАГ, БАЙГУУЛЛАГЫН ДАРГА НАРТАЙ 2025 ОНД ХАМТРАН АЖИЛЛАХ ГЭРЭЭ БАЙГУУЛЛАА

ЗАСГИЙН ГАЗРЫН ӨРГӨТГӨСӨН ХУРАЛДААНД ОРОЛЦОЖ, ЗАСГИЙН ГАЗРЫН ГИШҮҮДТЭЙ ХАМТРАН АЖИЛЛАХ ГЭРЭЭГ БАЙГУУЛЛАА
🟢 Засгийн газрын өргөтгөсөн хуралдаан 2025 оны нэгдүгээр сарын 14-нд болж аймгийн Иргэдийн Төлөөлөгчдийн Хурлын дарга, Засаг дарга оролцлоо. Монгол Улсын Ерөнхий сайд Л.Оюун-Эрдэнэ тус хуралдааны үеэр Бүсийн зөвлөлүүдийг байгуулах, ажиллах журам, зохион байгуулалтын асуудлыг танилцуулж, хэрэгжүүлэхийг Монгол Улсын Шадар сайд С.Амарсайханд, бүсийн хөгжлийн чуулганыг энэ оны гуравдугаар сараас өмнө зохион байгуулах, 2040 он хүртэлх бүсийн хөгжлийн төлөвлөгөө боловсруулж, хэлэлцэхийг Аймаг, Нийслэлийн Иргэдийн Төлөөлөгчдийн Хурлын дарга, Засаг дарга нарт үүрэг болголоо.
🟢 Хойд бүсийг Байгалийн аялал жуулчлалын төрөлжсөн бүс бөгөөд аж үйлдвэрийн дэд бүс болгохоор Бүсчилсэн хөгжлийн үзэл баримтлалд тусгагдсан. Манай аймгийн хувьд хөдөө аж ахуйд түшиглэсэн үйлдвэрлэл, аялал жуулчлалыг эдийн засгийн тэргүүлэх чиглэл болгон хөгжүүлнэ.
🟢 Өргөтгөсөн хуралдааны төгсгөлд аймгийн Засаг дарга Д.Пүрэв-Очир Засгийн газрын гишүүдтэй 2025 оны хамтран ажиллах гэрээг байгуулсан юм.

ХУВИЙН ХЭВШЛИЙН АЖ АХУЙ НЭГЖ БАЙГУУЛЛАГУУДЫН АНХААРАЛД‼️
Хувийн хэвшлийн аж ахуйн нэгж, байгууллагын захирал, нягтлан бодогч та санхүүгийн тайлангийн цахим И-Баланс системд 2024 ОНЫ ЖИЛИЙН ЭЦСИЙН САНХҮҮГИЙН ТАЙЛАНГАА илгээж үүргээ биелүүлээрэй.
ХУУЛИЙН ХУГАЦАА 2025 ОНЫ 2 САРЫН 10-НЫ ДОТОР‼️
ХОЛБОО БАРИХ: АЗДТГ-ын Санхүү, төрийн сангийн хэлтсийн Нягтлан бодох бүртгэлийн мэргэжилтэн 70342211
ААНБ-ын захирал, нягтлан бодогч нар дараах бүлгэмд ороорой

🇲🇳Монгол Улсын Ерөнхийлөгчийн зарлигаар Төрийн дээд шагнал "Үйлчилгээний Гавьяат ажилтан" цол хүртсэн Маанийн Оюунбат даргадаа аймгийн удирдлагууд хүндэтгэл үзүүллээ
🎖Үндэсний эрх чөлөө, тусгаар тогтнолоо сэргээн мандуулсны 113 жилийн ойн өдөр /2024,12,29/ аймгийн ИТХ-ын дарга, аймгийн Засаг дарга асан М.Оюунбат Монгол Улсын Ерөнхийлөгчийн зарлигаар "Үйлчилгээний Гавьяат ажилтан" цол хүртсэн. Өнөөдөр шинэхэн гавьяат ажилтнаа Булган аймгийн Засаг дарга Д.Пүрэв-Очир, АЗДТГ-ын хамт олон хүлээн авч уулзаж хүндэтгэл үзүүллээ.
Танд эрүүл энх, аз жаргал хамгийн сайн сайхан бүхнийг хүсэн ерөөе.

БУЛГАН АЙМГИЙН ОНЦГОЙ БАЙДЛЫН ГАЗРЫН 2024 ОНЫ ЖИЛИЙН ЭЦСИЙН ТАЙЛАНГИЙН ХУРАЛ, ХҮНДЭТГЭЛ ҮЗҮҮЛЭХ АРГА ХЭМЖЭЭ БОЛЛОО
Тус арга хэмжээнд аймгийн ИТХ-ын дарга Ш.Насандулам, аймгийн Засаг дарга Д.Пүрэв-Очир, аймгийн ЗДТГ-ын Цэргийн штабын дарга, Хурандаа Ч.Энхбаяр нар оролцож нийт бие бүрэлдэхүүн, алба хаагчдад баяр хүргэлээ.

ХУРДАН КЛУБИЙН НЭЭЛТ БОЛЛОО
Аймгийн Засаг дарга Д.Пүрэв-Очирын санаачилгаар аймгийн Төрийн үйлчилгээний нэгдсэн төвийн дэргэд Ерөнхий боловсролын сургуулийн сурагчдыг хамруулан Хурдан клубийн үйл ажиллагааг эхлүүллээ.
Нээлтийн арга хэмжээнд Булган аймгийн Засаг дарга Д.Пүрэв-Очир холбогдох албаны хүмүүсийн хамт оролцож клубийн нээлт болон цаашдын үйл ажиллагаанд амжилт хүслээ.

МӨСӨН ДЭЭГҮҮР БҮХ ТӨРЛИЙН ХӨДӨЛГӨӨН ХИЙХГҮЙ БАЙХЫГ ОНЦГОЙЛОН АНХААРУУЛЖ БАЙНА
Улсын хэмжээнд цаг агаар тогтуун, хүйтний эрч сул байгаатай холбоотой гол, мөрөн, нуур цөөрмийн мөсний зузаан харилцан адилгүй, мөсний даац хүн, мал, машин техник явахад хангалттай хэмжээнд хүрч бэхжээгүй байна. Иймд цаг хожих, зам товчлох зэргээр мөсөн дээгүүр явганаар болон тээврийн хэрэгслээр зорчихгүй байхыг онцгойлон анхааруулж байна.
Аймгийн Засаг даргын 2024 оны 12 дугаар сарын 09-ний өдрийн А/770 захирамжаар мөсөн дээгүүр бүх төрлийн хөдөлгөөн хийхийг 2024 оны 12 дугаар сарын 04-ний өдрөөс эхлэн 2025 оны 05 дугаар сарын 15-ны өдрийг хүртэлх хугацаанд хориглосон. Дээрх хугацаанд иргэд та бүхэн өөрсдийн эрүүл мэнд, амь нас, эд хөрөнгийг хайрлан захирамжийн хэрэгжилтийг хангаж хамтран ажиллахыг хүсье.
ИРГЭН ТАНЫ АМЬ НАС, ЭД ХӨРӨНГӨ ТАНЫ ГАРТ

"ИРГЭДИЙН ИНДЭР" иргэдтэй хийх уулзалт, нэвтрүүлэг 14 хоног тутам аймгийн Хөгжитмт жүжгийн театрт зохион байгуулагдана. Мөн Сайхан Монгол хойд бүсийн телевизээр болон Булган аймгийн Засаг даргын Тамгын газрын пэйж хуудсаар шууд дамжуулан хүргэх болно.
Энэ удаагийн нэвтрүүлэгт аймгийн Газрын харилцаа, барилга хот байгуулалтын газар оролцох тул иргэд Та бүхэн тус байгууллагын үйл ажиллагаа, үйлчилгээтэй холбоотой асуудлаар аймгийн ХЖТ-т 2025 оны 1-р сарын 9-ний өдрийн 15:00 цагт хүрэлцэн ирж санал хүсэлтээ илэрхийлээрэй.

ДАШБАЛДАНГИЙН ПҮРЭВСҮРЭН /1929-2025/
УДБЭТ-ын ахмад уран бүтээлч Монгол Улсын Ардын Жүжигчин Дашбалдангийн Пүрэвсүрэн 2025 оны 01 дүгээр сарын 04-ний өдөр таалал төгслөө.
МУАЖ Д.Пүрэвсүрэн Булган аймгийн Булган сумын нутагт 1929 онд төрсөн. Булган аймгийн клубт "Өргөмөл сувд" жүжгийн Нүцгэн бандийн дүрийг бүтээж урлагийн анхны гараагаа эхэлж байсан түүхтэй.
УДБЭТ-ын ахмад уран бүтээлч, дуучин МУАЖ Д. Пүрэвсүрэн нь 1942 онд ХЦДБЧ-д дуучнаар орж 1948 онд УХДТ-д жүжигчин болсноос хойш 1960 он хүртэл театрт тоглогдсон бүх жүжгүүдийн гол дүрүүдийг бүтээсэн байна. 1950-аад оноос Монголын анхны үндэсний дуурь Б. Дамдинсүрэн "Учиртай гурван толгой" дуурийн Нансалмаагийн дүрийг, 1970-аад оноос Хоролмаагийн дүрд тоглож, эсрэг тэсрэг хоёр эмэгтэйн дүрийг үзэгч олны сэтгэлд хоногштол бүтээсэн авьяаслаг дуучин.
МУАЖ Д.Пүрэвсүрэн нь цараа багахан уянга тунгалаг хоолойгоороо дуулан жүжиглэхдээ зөөлөн хөнгөн хөдөлгөөнтэй сэтгэлийн үйлдэл тод, дуулах ур зүй яруу жүжигчин юм.
УДБЭТеатрын тайзнаа түүний бүтээсэн олон сайн бүтээлийн нэг нь Б.Лувсаншаравын "Ханбүргэд" дуурийн Норовлхамын дүр юм. Түүний бүтээсэн Норовлхам нь язгууртны гэр бүлд эрх дураараа өссөн боловч ихэмсэг зангүй, хүнлэг чанар нь эвдрээгүй, шунал тачаалд автаагүй, ариухан сэтгэлтэй, ухаалаг сэргэлэн бүсгүйн дүр юм.
Тэрээр 1951 онд Дэлхийн зон олны lII их наадамд эх орныхоо тэргүүний залуучуудын хамт оролцож, эх орны нэрээ дэлхийд таниулж явсан түүхтэй.
МУАЖ Д.Пүрэвсүрэн УДБЭТ-ын уран бүтээлийн түүхийг бүтээлцсэн алтан үеийн дуучдын нэг бөгөөд УДБЭТ-ын тайзнаа дараах дууриудын гол дүрүүдийг бүтээсэн.
• Б. Дамдинсүрэн “Учиртай гурван толгой” дуурийн Нансалмаа, Хоролмаа
• Б. Дамдинсүрэн “Жаргалын зам” дуурийн -Норовлхам, Халиун
• С. Гончигсумлаа “Үнэн” дуурийн Ядмаа
• Л.Мөрдорж “Хөхөө Намжил” дуурийн Уянга
• Б. Дамдинсүрэн “Шарай голын гурван хаан” дуурийн Рогмогуа
• Б. Дамдинсүрэн “Тэмцэл” дуурийн Дуламсүрэн
• Б.Сметан “Худалдагдсан бэр” дуурийн Эсмеральда зэрэг
УДБЭТ-ын ахмад уран бүтээлч, дуучин МУАЖ Д.Пүрэвсүрэнгийн дуурийн урлагт оруулсан хувь нэмрийг нь төр засгаас өндрөөр үнэлж 1961 онд “Монгол Улсын Гавьяат Жүжигчин” цолоор, 2024 онд “Монгол Улсын Ардын Жүжигчин” цол тэмдгээр шагнажээ.
Түүний хөдөлмөрч, тусч, энэрэнгүй, шударга, нөхөрсөг, хүнлэг зан чанар, эгэл даруухан гэгээн дүр төрх нь бид бүхний сэтгэл зүрхэнд үүрд мөнхөд дурсагдах болно.
Талийгаачийн гэр бүл, үр хүүхдүүд, төрөл төрөгсдөд гүн эмгэнэл илэрхийлье
Булган аймгийн Иргэдийн Төлөөлөгчдийн Хурал
Булган аймгийн Засаг дарга
Булган аймгийн Засаг даргын Тамгын газар