Бүтээн байгуулалт

ЭРДЭНЭТ-ХАНГАЛ-ХЯЛГАНАТ ЧИГЛЭЛИЙН 64 КМ ХАТУУ ХУЧИЛТТАЙ АВТО ЗАМЫГ АЙМАГТАА ХҮЛЭЭН АВЛАА
"Уулын баяжуулах Эрдэнэт үйлдвэр" ТӨҮГ-ын 37.4 тэрбум төгрөгийн хөрөнгө оруулалтаар 2022-2023 онд хийсэн Эрдэнэт-ХАНГАЛ-Хялганат чиглэлийн авто замыг өнөөдөр манай аймаг Орон нутгийн өмчдөө хүлээн авлаа. Булган аймаг болон "УБЭҮ" ТӨҮГ-ын ажлын хэсгүүд уулзаж авто зам, замын ажлын гүйцэтгэл, арчлалт хамгаалалт зэрэг асуудлаар санал солилцож орон нутгийн өмчид шилжүүлэх баримт бичигт гарын үсэг зурлаа.
Булган аймгийн Засаг даргын орлогч О.УНДРАХ:
- “Монгол Улсын баатар Эрдэнэт үйлдвэрийн хөрөнгөөр баригдсан авто замыг Булган аймгийн Орон нутгийн өмчид хүлээлгэн өглөө. Өнөөдөр энэхүү авто замыг хүлээн авсан түүхэн үйл явдал болж байна. Иймээс манай аймгийн Төр захиргааны байгууллагууд, Хангал, Сэлэнгэ сум Хялганат тосгоны нийт иргэд, Сэлэнгэ аймгийн Цагаан нуур сумынхны аж амьдралд тус дэмтэй ажил болохоор бид нэлээн ач холбогдол өгч байгаа. Өөрөөр хэлбэл авто зам тавигдсан нь хөрөнгө мөнгө, цаг хугацаа хэмнэсэн ажил болсонд баяртай байна. Анх Булган аймгийн Хангал сумын Хороо нэртэй байгуулагдаж асан Эрдэнэт хот, үйлдвэр маань өнөөдөр улс орныхоо эдийн засагт жинтэй хувь нэмэр оруулж явна. Эрдэнэт үйлдвэр нийгмийн хариуцлагынхаа хүрээнд үе үеийн сумын засаг дарга нарын мөрөөдөл болсон Хангал, Хялганат чиглэлийн авто замыг ашиглалтад оруулж хүлээлгэн өгч байгаа нь тус үйлдвэрийн үр шимийг нутгийн иргэд хүртэж байна гэсэн үг” хэмээн онцлов.

Бүтээн байгуулалт

Булган аймгийн ахмадууд чөлөөт цагаа зөв боловсон өнгөрүүлэх Ахмадын өргөөтэй боллоо. Булган аймгийн төвд ахмадууд настаны чөлөөт цагаа зөв боловсон өнгөрүүлэх цогцолбор төв байгуулагдах боломжийг хангаж , өнөөдөр уг өргөө албан ёсоор нээлтээ хийлээ.

Булган /МОНЦАМЭ/ Булган аймгийн Сэлэнгэ сумын Засаг даргын үйл ажиллагааны “Сэлэнгэ-Шинэ хөгжлийн зам” хөтөлбөрийн дэд бүтэц, хөрөнгө оруулалтын ажил эрчимтэй өрнөж байна гэж сумын Засаг даргын Тамгын газар мэдээллээ.

Булган аймгийн Засаг даргын “ Шинэ хөгжлийн зам “ мөрийн хөтөлбөрт гадаад харилцааны бодлогыг түлхүү анхаарч хамтын ажиллагааг нэмэгдүүлэх олон талт ажлын хүрээнд өнөөдөр Булган аймагт Бүгд Найрамдах Чех улсын “Фенип” корпорацын Ерөнхийлөгч Паул Рехрт тэргүүтэй жудо бөхийн Дэлхийн хошой аварга ,Олимпын хошой аварга ,Европын 5 удаагийн аварга Лукас Крпалек, Монгол Улсаас Бүгд Найрамдах Чех Улсад суугаа ЭСЯ-ны Зөвлөх Б.Пагва нарын хүмүүс ажлын айлчлал хийж хамтран ажиллах санамж бичигт гарын үсэг зурлаа.