Хүнс, хөдөө аж ахуй

ӨВӨЛЖИЛТИЙН БЭЛТГЭЛ, ХАДЛАН ТЭЖЭЭЛ, УРГАЦ ХУРААЛТЫН НӨХЦӨЛ БАЙДЛЫГ ШАЛГАХ АЖЛЫН ХЭСЭГ СУМДУУДАД АЖИЛЛАЖ БАЙНА
Мал аж ахуйн болон төв суурин газрын өвөлжилтийн бэлтгэл, хадлан тэжээл, ургац хураалтын ажлыг шалгах зорилгоор ажлын хэсэг сумдуудад ажиллаж, шуурхай хуралдаан зохион байгууллаа.
Ажлын хэсэг нь сум, албан байгууллага, аж ахуй нэгжүүдийн өвөлжилтийн бэлтгэл хангах чиглэлээр хийж буй ажил, нэгдсэн төлөвлөгөөний хэрэгжилтийн явцтай газар дээр нь танилцаж, үнэлэлт дүгнэлт өгч байна.
Мөн өвөл, хаврын бэлчээрийн ашиглалт, даац багтаамжийг тооцон, отор нүүдэл хийх өрх, малын тоо толгойг нарийвчлан гаргажээ. Үүнээс гадна:
• хадлан тэжээлийн бэлтгэл,
• өвөлжөө бууцны дулаалга,
• отрын бүс тогтоох,
• малын тэжээлийн үйлдвэрлэл,
• вакцинжуулалт, үзлэг ангилалт, заазлалт,
• гамшгаас хамгаалах төлөвлөгөө,
• техник, машины хангамжийн хэрэгцээ зэргийг нарийвчлан шалгаж, зөвлөмж өгч ажиллаж байна.
Өвөлжилтийн бэлтгэлийг өнөөдрөөс

МАЛЧИН ӨРХ БҮР ӨВС ТЭЖЭЭЛЭЭ БЭЛТГЭЕ
Булган аймгийн Орхон сумын Арбулаг багийн Улсын аварга малчин С.Энхбаяр хадлангаа бэлтгэж байхтай таарч хэсэг зуур өвөлжилтийн бэлтгэлийн талаар ярилцахад: Тэрээр энэ жил ус бороо багатай болоод өвс богино, хадаад тээвэрлэхдээ тор татаж ачихгүй л бол тогтохгүй байгааг хэлж, өмнөх жилүүдэд энэ талбайгаас нэлээд хэдэн айл өвс хадлангаа бэлтгэдэг байсан бол, энэ жил манайтай нийлээд хоёр айл 7, 8 машин өвс арай гэж хадлаа. Манай энэ хавиар ганц машин өвс татаагүй айл зөндөө байна хэмээн санаа тавин, өвөл хавартаа хэрэглэх өвсөө худалдаж л авахаас өөр аргагүй хэмээж, малчид ард иргэддээ эртхэн өвс тэжээлийн ая бодохгүй бол улс амьтны яриагаар их л чанга өвөл болох нь гэж хуучиллаа.
Өвлийн бэлтгэлийг-Өнөөдрөөс

БУЛГАН АЙМГИЙН ЗӨГИЙЧДИЙН АНХДУГААР ЗӨВЛӨГӨӨН ЗОХИОН БАЙГУУЛАГДАЖ БАЙНА
Аймгийн зөгийчдийн анхдугаар зөвлөгөөнд нийт 35 зөгийн аж ахуй эрхлэгч иргэд, бүл, аж ахуй нэгж оролцож байна. Анхдугаар зөвлөгөөний нээлтэд аймгийн Засаг дарга Д.Пүрэв-Очир оролцож зөгийчиддөө баяр хүргэж, амжилт хүслээ. Тэрээр хэлсэн үгэндээ Зөгийний ашиг шимийг хүртэж байгаа зөгийчид маань хамтын ажиллагаа тогтоож зөгийн аж ахуй, зөгийн балын үйлдвэрлэлийг нэмэгдүүлэх, брэнд бүтээгдэхүүнүүд олноор бий болгох, ашиг орлогоо нэмэгдүүлэх зэрэгт анхаарч ажиллахыг онцлон дурдсан юм.

БУЛГАН АЙМГИЙН ЗӨГИЙЧДИЙН АНХДУГААР ЗӨВЛӨГӨӨН 2025 ОНЫ 08 ДУГААР 07-НЫ ӨДӨР ЗОХИОН БАЙГУУЛАГДАНА

Аймгийн засаг даргын захирамжаар байгуулагдсан ажлын хэсэг ХХААХҮЯ-наас зарласан Жижиг, дунд үйлдвэрлэл эрхлэгчдийг дэмжих сүү сүүн бүтээгдэхүүн үйлдвэрлэл, чацаргана боловсруулах үйлдвэрлэл, хөргөлтийн, хүнсний үйлдвэрийн, авто засварын, ахуйн үйлчилгээ, барилгын, тавилгын үйлдвэрлэлийн, хөдөө аж ахуйн хүнсний ногооны үйлдвэрлэлийн зэрэг 9 чиглэлийн 104 нэр төрлийн 167 ширхэг тоног төхөөрөмжийг нийлүүлэх гүйцэтгэгч болох "Уран сархиа" ХХК-иас хүлээн авч байна. Уг тоног төхөөрөмжийг захиалсан сумдын иргэн, ЖДҮ эрхлэгч нарт нэгдсэн журмаар олгоно.

АЙМГИЙН ЗАСАГ ДАРГА Д.ПҮРЭВ-ОЧИР РАШААНТ СУМЫН ЖИЖИГ ДУНД ҮЙЛДВЭРЛЭЛ ЭРХЛЭГЧИД, ХОРШООЛОГЧИД, ХУВИАРАА ХӨДӨЛМӨР ЭРХЛЭГЧ, МАЛЧДЫН ТӨЛӨӨЛЛИЙН ҮЙЛ АЖИЛЛАГААТАЙ ГАЗАР ДЭЭР НЬ ТАНИЛЦАЖ САНАЛ ХҮСЭЛТИЙГ НЬ СОНСЛОО.

БУЛГАН АЙМГИЙН МАЛ ЭМНЭЛГИЙН ГАЗАР
ДУУРИАЛГАН ҮЗҮҮЛЭХ ДАДЛАГА СУРГУУЛЬ
МАЛ ЭМНЭЛГИЙН ХОРИО ЦЭЭРИЙН ДЭГЛЭМИЙН ҮЕД АВЧ ХЭРЭГЖҮҮЛЭХ АРГА ХЭМЖЭЭНИЙ ТАЛААР ҮЗҮҮЛЛЭЭ

ГАМШГААС ХАМГААЛАХ КОМАНД ШТАБЫН СУРГУУЛИЙН ХҮРЭЭНД БУЛГАН АЙМАГТ ТАНХИМЫН ДАДЛАГА СУРГУУЛИЛТ ЗОХИОН БАЙГУУЛАГДАЖ БАЙНА
Онцгой байдлын ерөнхий газрын дэмжлэгтэйгээр Мал эмнэлгийн албаны Гамшгаас хамгаалах команд штабын сургуулийн арга хэмжээ нь улс орон даяар мал эмнэлгийн ерөнхий газар болон харьяа 21 аймаг, нийслэлийн Мал эмнэлгийн газар, Улсын мал эмнэлэг ариун цэврийн төв лаборатори, Мал эмнэлгийн эмийн сорилт баталгаажуулалтын улсын лабораторийн нийт бие бүрэлдэхүүн танхим болон цахимаар шууд холбогдон оролцож байна.
Монгол Улсын Үндэсний аюулгүй байдлыг хангах бүрэлдэхүүн хэсэгт ажил, үүрэгтэй шууд холбоотой асуудлууд цөөнгүй бөгөөд мал эмнэлгийн байгууллагын бэлтгэл бэлэн байдлыг дээшлүүлэх, хариу арга хэмжээг зөв оновчтой төлөвлөх, нэгдсэн удирдлага зохицуулалтаар хангах цогц тогтолцоог бүрдүүлэх шаардлагатай тул энэхүү сургуулийг улсын хэмжээнд зохион байгуулж,
Булган аймгаас нийт 140 орчим ажилтан албан хаагчид оролцож байна.