Цаг үеийн мэдээ

МОНГОЛ УЛСАД СТАТИСТИКИЙН САЛБАР ҮҮСЭЖ ХӨГЖСӨНИЙ 100 ЖИЛИЙН ОЙН БАЯРЫН ХУРАЛ БОЛЛОО
Монгол улсад Статистикийн салбар үүсэж хөгжсөний түүхт 100 жилийн ойн баярыг Булган аймагт тэмдэглэн өнгөрүүлж байна. Ойн хуралд аймгийн удирдлагууд болон Үндэсний статистикийн хорооны төлөөлөгчид, аймгийн Засаг даргын дэргэдэх Статистикийн хэлтсийн хамт олон, төсөв төрийн сангийн мэргэжилтнүүд, багийн дарга нар оролцлоо.
Түүхт 100 жилийн ойн босгон дээр хөдөлмөр зүтгэлээ үнэлүүлсэн статистикчид, төсөв төрийн сангийн мэргэжилтнүүд, багийн дарга нарт аймгийн удирдлагууд Засгийн газар, аймгийн шагнал болон 100 жилийн ойн медалиар шагнасныг гардуулан өгч, баяр хүргэлээ.
Монгол Улсын статистикийн салбар нь үүсэл, хөгжлийн хувьд өнө эртний уламжлалтай, ууган салбаруудын нэг билээ. Түүх сөхвөл, Хүннү гүрний үед хүн ам, цэрэг эрс, малын тоотой холбоотой олон баримт түүхэнд тэмдэглэгдэн үлдсэн байдгаас харахад Монголчууд бүртгэл статистикийн талаар анхны мэдэгдэхүүнтэй төдийгүй хүн ам, малаа жил бүр тодорхой хугацаанд тоолдог, статистикийг амьдрал ахуйдаа хэрэглэдэг байжээ.
Монгол улсад 1924 онд анхны Засгийн газар байгуулагдахад дотоод яамны бүтцэд тоо, бүртгэлийн алба байгуулагдаж ирсэн тэр цагт статистикийн байгууллагын үндэс суурь бий болсон түүхтэй.

“ҮНДСЭН ХУУЛИЙН ҮЗЭЛ БАРИМТЛАЛ, ҮЕ ШАТ” ИЛТГЭЛИЙГ ЗОХИОН БАЙГУУЛЛАА
🇲🇳“Бүгд Найрамдах Улс тунхагласны баяр”, Анхдугаар Үндсэн хуулиа баталсны 100 жилийн ойн хүрээнд аймгийн ИТХ, АЗДТГ хамтран “Үндсэн хуулийн үзэл баримтлал, үе шат” илтгэлийг зохион байгууллаа. Монголын улс төрч, дипломатч, түүхч, доктор Ё.Отгонбаяр “Үндсэн хуулийн үзэл баримтлал, үе шат” илтгэл, Үйлчилгээний Гавьяат ажилтан,Төрийн ахмад удирдах ажилтан, Доктор профессор Ц.Дагвадаш "Шинэ Үндсэн хуулийн хүрээнд Орон нутгийн удирдлагын шинэ тогтолцоо төлөвшиж буй асуудалд" илтгэлийг тус тус тавилаа.
🇲🇳Арга хэмжээнд аймгийн ИТХ-ын дарга Ш.Насандулам, аймгийн Засаг дарга Д.Пүрэв-Очир, аймгийн Засаг даргын орлогч О.Ундрах болон төрийн албан хаагчид оролцож анхдугаар болон шинэ Үндсэн хуулийн үзэл баримтлал, онцлог, хэрхэн хэрэгжүүлсэн тухай түүхийн болон өнөөгийн нөхцөл байдлын тухай сонслоо.
🇲🇳Та бүхэнд Улс тунхагласны ойн баярын мэнд хүргэе.

ЦОГТХУНТАЙЖИЙН ХӨШӨӨНД ЦЭЦЭГ ӨРГӨЛӨӨ
Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойн өдөр Цогтхунтайжийн хөшөөнд цэцэг өргөх ёслолын үйл ажиллагаа боллоо. Тус арга хэмжээнд аймгийн удирдлагууд, АЗДТГ-ын хэлтсийн дарга, албан хаагчид, агентлаг байгууллагын дарга, иргэдийн төлөөлөл оролцсон юм. Мөн аймгийн Цагдаагийн газар, Онцгой байдлын газрын албан хаагчид оролцож хүндэтгэл үзүүллээ.

Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ой өнөөдөр тохиож байна.
1924 оны энэ өдөр Монгол Улс анхны Үндсэн хуулиа баталж, хаант засаглалын хэлбэрээс Бүгд Найрамдах засагт шилжсэнээр эрх чөлөө, тусгаар тогтнолоо баталгаажуулсан юм.
Булганчууд та бүхэндээ чин сэтгэлийн мэндчилгээ дэвшүүлж Бүгд Найрамдах Улсаа тунхагласны баярын мэндийг хүргэе.

ИРГЭНИЙ АНДГАЙ ӨРГӨХ ЁСЛОЛ БОЛЛОО
🇲🇳Анхдугаар үндсэн хуулиа баталж, Бүгд Найрамдах Улсаа тунхагласны 100 жилийн ой 2024 оны 11 дүгээр сарын 26-ны өдөр тохиож байна. Монгол Улсын Ерөнхий сайдын ивээл дор 22 дахь удаагаа зохион байгуулагдаж буй "МОНГОЛ УЛСЫН ИРГЭНИЙ АНДГАЙ ӨРГӨХ ЁСЛОЛ"-ын үйл ажиллагааг өнөөдөр зохион байгууллаа.
🇲🇳Андгай өргөх ёслолд аймгийн ИТХ-ын дарга Ш.Насандулам, Засаг дарга Д.Пүрэв-Очир, Засаг даргын орлогч О.Ундрах нар оролцож, Монгол Улсын иргэний үнэмлэхээ гардан авч буй хүүхдүүддээ баяр хүргэж, чин сэтгэлийн мэндчилгээг өргөн дэвшүүлсэн юм. Мөн аймгийн Засаг дарга иргэний андгай өргөж буй хүүхдүүдэд Монгол улсын Үндсэн хуулийн тухай илтгэл тавьсан.
🇲🇳Энэхүү үйл ажиллагаа нь өсвөр үе, залуучуудыг түүх соёлоо дээдэлсэн, эх оронч үзэлтэй, үүрэг хариуцлагаа ухамсарласан иргэн болгон төлөвшүүлэх зорилгоор 16 нас хүрч Монгол Улсын иргэний үнэмлэх авч буй сурагчдыг алдаршуулан, “Иргэний андгай” өргүүлэн, иргэний үнэмлэхийг батламжийн хамт гардуулдаг уламжлалтай.
🇲🇳Иргэний андгай өргөх ёслолд Булган сумын ерөнхий боловсролын сургууль, СДС-ийн 16 настнуудын төлөөлөл болох 60 хүүхэд “Иргэний андгай” өргөн иргэний үнэмлэх, батламжаа гардан авлаа.
🇲🇳ТА БҮХЭНДЭЭ УЛС ТУНХАГЛАСНЫ ӨДРИЙН БАЯРЫН МЭНД ХҮРГЭЕ.

СУМДАД ХОГ ХАЯГДЛЫГ ТҮРЖ БУЛАХ КОВШ, ЭКСКАВАТОР МАШИН ГАРДУУЛЛАА
Аймгийн Засаг дарга Д.Пүрэв-Очир Орхон, Бугат, Баян-Агт, Тэшиг сумдад хог түрж булах техникийг гардуулан өглөө. Байгаль орчныг хамгаалах, байгалийн баялгийг нөхөн сэргээх арга хэмжээний зардлаас “Хатуу хог хаягдлыг ангилан ялгах, боловсруулах зорилгоор хог түрж булах техник нийлүүлэх” төсөл арга хэмжээний хүрээнд "Монтех Дистрибыюшн" ХХК-тай аймгийн Засаг даргын А/509 дүгээр захирамжийн дагуу гэрээ байгуулан ажилласан. Гэрээний үр дүнд өнөөдөр буюу 2024 оны 11 дүгээр сарын 25-ны өдөр техникийн тодорхойлолтын дагуу ковш, экскаваторыг хүлээн авч, ковш автомашиныг Орхон, Бугат, экскаватор автомашиныг Баян-Агт, Тэшиг суманд сумдад хүлээлгэн өглөө.

ТӨРИЙН АЛБАН ХААГЧИЙН ТАНГАРАГ ӨРГӨХ ЁСЛОЛ БОЛЛОО
Булган аймгийн төрийн албан хаагчийн тангараг өргөх ёслол өнөөдөр болж төрийн жинхэнэ албан хаагчийн шалгалтад тэнцсэн 23 албан хаагчид тангараг өргөн батламжаа гардан авлаа. Энэ үеэр Булган аймгийн Засаг даргын тамгын газрын дарга, Төрийн албаны зөвлөлийн Булган аймаг дахь салбар зөвлөлийн дарга Д.Алтаншагай нийт тангараг өргөсөн алба хаагчдад баяр хүргэж амжилт хүслээ.
🇲🇳🇲🇳🇲🇳Төр түвшин Түмэн олон амгалан байг🇲🇳🇲🇳🇲🇳

АЙМГИЙН ЗАСАГ ДАРГЫН ТАМГЫН ГАЗАР, АНУ-ЫН ИРГЭН ЦЭРГИЙН ДЭМЖЛЭГИЙН БҮЛГЭЭС ЗОХИОН БАЙГУУЛЖ БУЙ "ДАВАН ТУУЛАХ ЧАДВАРЫН СУРГАЛТ"-ЫГ ЗОХИОН БАЙГУУЛЖ БАЙНА

Булган аймгийн мэргэжлийн байгууллага, иргэдийн онцгой байдлын бэлэн байдал, гамшиг, аюулт үзэгдэл, ослын хариу арга хэмжээ болон нийгмийн эрүүл мэндтэй холбоотой боловсролын дэмжлэгийг нэмэгдүүлэх, даван туулах чадварыг сайжруулах чиглэлээр сургалт зохион байгуулагдаж байна.

АНУ-ЫН ИРГЭНИЙ ЦЭРГИЙН ДЭМЖИХ БҮЛГИЙН ТӨЛӨӨЛӨГЧИД АЙМГИЙН ЗАСАГ ДАРГАТАЙ УУЛЗЛАА
Аймгийн Засаг даргын Тамгын газраас Америкийн Нэгдсэн Улсын Иргэний цэргийн дэмжих бүлэгтэй хамтран “Давах туулах чадвар”-ын сургалтыг зохион байгуулах гэж байна. Тус сургалтыг зохион байгуулах АНУ-ын Иргэний цэргийн дэмжих бүлгийн төлөөлөгчид өнөөдөр аймгийн Засаг дарга Д.Пүрэв-Очиртой уулзлаа. Төлөөлөгчид сургалтын тухай аймгийн удирдлагад танилцуулж хамтран ажиллаж буйд талархал илэрхийллээ. Сургалтад аймгийн ОБГ, ЭМГ, Нэгдсэн эмнэлэг, сумдын мэргэжлийн ангиуд хамрагдана. Гамшиг ослын үед мэргэжлийн анги, албадын ур чадварыг нэмэгдүүлэх зорилготой уг сургалтыг маргаашаас эхлэн 4 хоногийн турш зохион байгуулах гэж байна.

“АНХДАГЧ БУЛГАН” УРЛАГИЙН НААДАМ-2024 ЗОХИОН БАЙГУУЛАГДЛАА
Төрийн албан хаагчдын авьяас чадварыг нээн хөгжүүлэх, дэмжих, байгууллагын хамтач байдлыг нэмэгдүүлэх, хоорондын харилцаа, харилцан ойлголцлыг бэхжүүлэх, соёл урлагаар дамжуулан иргэддээ эерэг сэтгэлгээг түгээх зорилгоор нутгийн захиргааны болон төрийн захиргааны байгууллагын төрийн албан хаагчдыг хамруулан “анхдагч булган” урлагийн наадам-2024 зохион байгууллаа. Урлагийн наадам багийн мэндчилгээ, гоцлол дуу, хамтлаг бүжиг, дуэт дуу, ардын хошин харилцаа дуу, богино найраглалын төрлөөр зохион байгуулагдсан бөгөөд тус наадамд Дархан хан бүс /Хишиг-Өндөр, Бүрэгхангай, Орхон, Могод/ Урд бүс /Рашаант, Баяннуур, Дашинчилэн, Гурванбулаг/, Зүүн хойд бүс /Сэлэнгэ, Бугат, Хангал, Хялганат/, Булган сумын ЗДТГ, Улсын бүртгэлийн хэлтэс, Эрүүл мэндийн газрын 6 баг өрсөлдсөн юм. Урлагийн наадмын дүнгээр Дархан хан бүс тэргүүн байр, Булган сумын ЗДТГ дэд байр, Зүүн хойд бүс гутгаар байрыг тус тус эзэллээ.