Бүтээн байгуулалт
ГАЗРЫН ХАРИЛЦААНЫ САЛБАРТ 2022 ОНД ХИЙГДСЭН ОНЦЛОГ АЖЛЫН МЭДЭЭЛЭЛ
Аймгийн Засаг даргатай байгуулсан гэрээний дагуу мэргэжлийн "Вектор мэп" ХХК 2019-2021 оны хооронд аймгийн газар зохион байгуулалтын ерөнхий төлөвлөгөөг боловсруулж 2022 оны 3 дугаар сарын 29-ны өдрийн аймгийн Иргэдийн төлөөлөгчдийн хурлын IX хуралдаанд хэлэлцүүлэн IX/18 тогтоолоор баталгаажууллаа.
Аймгийн ИТХ-ын тогтоолоор батлагдсан газар зохион байгуулалтын ерөнхий төлөвлөгөөг Засгийн газрын 2020 оны 110 дугаар тогтоолоор баталсан “Газрын нэгдмэл сангийн удирдлагын нэгдсэн цахим систем”-д оруулан тухайн жилийн газар зохион байгуулалтын төлөвлөгөөнд тусгах замаар хэрэгжилтийг нь ханган ажиллаж байна.
Булган аймгийн хэмжээнд нутаг дэвсгэрийн хөгжлийн төлөвлөгөө хийгдээгүй 7 сумын /Баян-Агт, Баяннуур, Бүрэгхангай, Гурванбулаг, Могод, Рашаант, Сайхан, / нутаг дэвсгэрийн хөгжлийн төлөвлөгөөг 2020-2021 оны хооронд мэргэжлийн байгууллагаар гүйцэтгүүлэн тухайн сумын ИТХ-ын тогтоолоор баталгаажуулан сумдад актаар нь хүлээлгэн өглөө. Ингэснээр аймгийн хэмжээнд бүх сумд нутаг дэвсгэрийн хөгжлийн төлөвлөгөөтэй болж газрын харилцааны чиглэлээр баримтлан ажиллах дунд хугацааны баримт бичигтэй боллоо.
Сэтгэгдэл үлдээх