Сумдын мэдээ

БАЯН-АГТ СУМЫН ЗАЛУУС ХОРООЛЛЫН ДУЛААНЫ ШУГАМЫН УГСРАЛТЫН АЖИЛ ҮРГЭЛЖИЛЖ БАЙНА

Аймгийн Засаг даргын “Булганы сэргэлт” үйл ажиллагааны хөтөлбөрийн “Дэд бүтцийн сэргэлт” дэд хөтөлбөрийн хүрээнд сумдын инженерийн дэд бүтцийг өргөтгөх, шинэчлэх ажлууд үе шаттайгаар хэрэгжиж байна.

Энэ хүрээнд Баян-Агт сумын төвийн Залуус хорооллын гадна дулааны шугамын угсралтын ажил үргэлжилж байгаа бөгөөд гүйцэтгэгчээр “Жаргалант дулаан” ХХК, зураг төслийн зохиогчоор “Жоди прожект” ХХК ажиллаж байна.

Одоогоор ДХ-4-өөс ДХ-5 хүртэлх сувгийн ажлыг худаг байгууламжийн хамт гүйцэтгэн дуусгаад байна. Мөн ДХ-3-аас ДХ-4 хүртэлх дулааны шугам хоолойн гагнуурын ажлыг хийж байна.

Тус бүтээн байгуулалт ашиглалтад орсноор Залуус хорооллын дулаан хангамжийн найдвартай ажиллагаа сайжирч, иргэдийн ая тухтай амьдрах нөхцөл бүрдэх юм.

Сэтгэгдэл (0)

× Мэдэгдэл. Энд сэтгэгдэл байхгүй!