Хөдөлмөр, нийгмийн хамгаалал
ЭЛДЭВ ЭРДЭНЭТ ХЭМЭЭХ ХӨХӨГЧИН МОГОЙ ЖИЛИЙН БОСГОН ДЭЭР ӨНДӨР НАСТАЙ 500 АХМАДУУДДАА ХҮНДЭТГЭЛ ҮЗҮҮЛЛЭЭ
ЭЛДЭВ ЭРДЭНЭТ ХЭМЭЭХ ХӨХӨГЧИН МОГОЙ ЖИЛИЙН БОСГОН ДЭЭР ӨНДӨР НАСТАЙ 500 АХМАДУУДДАА ХҮНДЭТГЭЛ ҮЗҮҮЛЛЭЭ
Булган аймгийн Засаг дарга Д.Пүрэв-Очир, ИТХ-ын дарга Ш.Насандулам, Засаг даргын орлогч О.Ундрах болон холбогдох албаны хүмүүс ахмад настангуудаа хүндэтгэн хүлээн авч Булган аймгийн Хөгжимт жүжгийн театрийн уран бүтээлчид урлагийн тоглолтоо өргөн барилаа.
2024 онд амжилт бүтээмжээрээ манлайлсан тэргүүний ахмадуудаа болон ахмадын холбоодыг шалгаруулан, ахмад үеэ дэмжигч байгуулагуудад шагнал гардуулсан бөгөөд Булган аймгийн тэргүүний ахмад настангаар Хутаг-Өндөр сумын 1-р багийн иргэн О.Бааст, шилдэг ахмадын хороогоор Хишиг-Өндөр, Тэшиг, Баян-Агт сумын ахмадын хороо шалгарч шагналаа гардаж авлаа.
2024 оны шилдэг ахмадыг дэмжигч байгууллагаар Хутаг-Өндөр сумын Засаг даргын тамгын газар, Хишиг-Өндөр сумын “Дөрвөн хөвгүүд” ХХК, Хишиг-Өндөр сумын Дөрвөн хөвгүүд компанийн төлөөлөл, Гурван булаг сумын “Ерөнхий боловсролын сургууль” тус тус шалгарсан байна.
Хүрэлцэн ирсэн нийт ахмадууддаа хүндэтгэл үзүүлж зуу наслаж зургаадай таяг тулахын ерөөл өргөн гарын бэлэг гардууллаа.
Сэтгэгдэл үлдээх