Цаг үеийн мэдээ
АХУЙН ҮЙЛЧИЛГЭЭНИЙ САЛБАРЫГ АХИН СЭРГЭЭХ ЗОРИЛГООР ОЁДЛЫН ҮЙЛДВЭРТЭЙ БОЛЛОО
Булган аймагт 1938 онд анх лам нарын үйлдвэрлэлийн артель хэлбэрээр ахуйн үйлчилгээний салбар байгуулагдаж байсан түүхтэй.Үүний дараагаас ахуйн үйлчилгээний үйлдвэрлэл эрхэлсэн нэг комбинат ,25-30 үйлчлэгчтэй ахуйн үйлчилгээний 4 төв , 8 салбар тасаг, зочид буудал, автотээвэр, хот тохижуулалтын иргэдийн үйлчилгээ зэрэг 7 салбарт 600 гаруй ажилчин ажиллаж 400 гаруй нэр төрлийн бүтээгдэхүүн үйлдвэрлэж байсан юм. Тэгвэл өнөөдөр Аймгийн Засаг даргын “ Шинэ хөгжлийн зам” мөрийн хөтөлбөрийн хүрээнд Булган аймаг, “Эрдэнэт үйлдвэр” ТӨҮГ-ын хамтын ажиллагааны үр дүнд Оёдлын үйлдвэрийн нээлтийг хийлээ. Аймгийн хөгжлийн дунд хугацааны стратеги төлөвлөгөө буюу “ Шинэ хөгжлийн зам” үйл ажиллагааны хөтөлбөрт “ Ахуйн үйлчилгээний салбарыг хөгжүүлж , иргэдийн тогтвортой чанартай үйлчилгээ авах нөхцөл бүрдүүлэх” зорилтыг дэвшүүлсэн. Энэ зорилтын хүрээнд Ахуйн үйлчилгээний салбарыг ахин хөгжүүлэхээр Оёдлын үйлдвэртэй боллоо.
Сэтгэгдэл үлдээх