Сумдын мэдээ
Бугат сум танилцуулга
Бугат нь Булган аймгийн сум юм. Бугат сум нь 3 багтай:
- 1-р баг Баянтөгөл баг
- 2-р баг Ханжаргалант
- 3-р баг нь сумын төв буюу Бугат юм.
Бугат сум нь түүх соёл, байгалийн үзэсгэлэнт газар нутагт байдаг. Нийт 1873 хүн амтай. Ханжаргалант багийн нутагт орших Ханжаргалант уул нь Улсын тусгай хамгаалалтад Нөөц газрын статусаар 1996 онд орсон. Мөн Ерөнхий сайд агсан А.Амар тус сумын нутаг, Уулын голд Маалийн ам хэмээх газар мэндэлсэн. Чин ван Ханддорж мөн энэ нутагт төрсөн ажээ. Дээрхи түүхэн хүмүүсээс гадна "Зууны манлай дуурийн дуучин Н.Уртнасан, МУ-ын Гавъяат багш,математикийн ш/у-ны доктор професор Дамбын Шагдар, МУГЖ найруулагч Эрдэнэбулган, ард олноо "Хөх чоно хэмээн алдаршсан жүжигчин Дамдин, яруу найрагч Д.Урианхай гавъяат жүжигчин дуучин Дорждэрэм, Цэцгээ,түүхийн ухааны доктор академич ж.Болдбаатар, улсан начин н.Лундаа, улсын начин Дэлгэрбат,Д.Ганхуяг, самбо бөхийн дэлхийн аварга Д.Дэлгэрбаяр, 1998 оны Япон улсад болсон Нагонагын өвлийн олимпод Монгол улсыг төлөөлөн оролцсон цанын спортын мастер Д.Очирсүх,Г.Лхагвадорж гэх мэт энэ нутгаас төрөн гарсан алдартнууд олон байдаг. Тус сумын төв нь Булган хотоос 30 кмт оршдог бөгөөд ой мод элбэгтэй. Хүн амын дийлэнх хувь нь мал аж ахуй эрхэлдэг.
Сэтгэгдэл үлдээх