Хүнс, хөдөө аж ахуй

Аймгийн ИТХ-ын Тэргүүлэгчдийн 2013 оны "Журам батлах тухай" 91 дүгээр тогтоол, аймгийн Засаг даргын 2022 оны "Журам батлах тухай" А/435 дугаар захирамж, 2021 оны “Журам шинэчлэн батлах тухай” А/30 дугаар захирамжийг тус тус үндэслэн Хөдөө аж ахуйн салбарт үр бүтээлтэй ажиллан, тогтвортой амжилт гаргасан дараах малчин, саальчин, фермер, тариаланч, тариаланч хамт олныг XII дугаар жарны усан Бар жилийн аймгийн аварга малчин, тариаланч, саальчин, фермер, тариаланч хамт олноор шалгарууллаа.

Булган аймгийн газар тариалангийн салбарт хүчин зүтгэдэг аж ахуй нэгж, хувь хүмүүсийг хамруулсан "БУЛГАНХАНГАЙН ТАРИАЛАНЧДЫН СУРГАЛТ, ЗӨВЛӨГӨӨН–УРГАЦЫН БАЯР" арга хэмжээ амжилттай зохион байгуулагдаж, аймгийн Засаг дарга Б.Ариун-Эрдэнэ Сүхбаатарын одонгоо хөдөлмөр, үр бүтээлээрээ мялааж сүүлийн 30 жилийн хугацаанд хамгийн арвин ургац хураан авсанд талархал илэрхийлж, ажил хөдөлмөрөөрөө манлайлан ажилласан тариаланчдаа шагнан урамшууллаа.

Хөдөө аж ахуйн салбарыг хөгжүүлэхэд үнэтэй хувь нэмэр оруулан, эрхэлсэн ажилдаа амжилт гаргасан аймгийн аваргууддаа өнөөдөр шагналыг нь гардуулан өглөө.
“Аймгийн хошой аварга малчин өрх”, “Аймгийн аварга малчин өрх”, “Аймгийн аварга саальчин”, “Аймгийн аварга тариаланч”, “Аймгийн тэргүүний мал эмнэлэг үйлчилгээний нэгж”, “Аймгийн тэргүүний мал аж ахуйн мэргэжилтэн”-ээр шалгарсан хөдөлмөрч хичээнгүй иргэддээ баяр хүргэж, ажлын өндөр амжилт хүсэн ерөөе.