Цаг үеийн мэдээ

СҮХБААТAРЫН ОДОНТ, ХӨДӨЛМӨРИЙН ГАВЬЯАНЫ УЛААН ТУГИЙН ОДОНТ БУЛГАН АЙМАГ АНХДАГЧИЙН БУУХИАГАА ҮРГЭЛЖЛҮҮЛСЭЭР
Монгол Улсын Ерөнхийлөгчийн санаачилгаар хэрэгжүүлж байгаа "ТЭРБУМ МОД" үндэсний хөдөлгөөний хүрээнд Булган аймгийн Сэлэнгэ сумын Шар тал хэмээх газарт орчин үеийн Швед технологи ашиглан бүрэн автомат хүлэмжийн мод үржүүлгийн 100 га газрын нээлт боллоо.
Энэ үеэр Монгол Улсын Ерөнхийлөгч Ухнаагийн Хүрэлсүх энэхүү үйл ажиллагааг дэмжин ажиллаж байгаа Булган аймгийн Засаг дарга Б.Ариун-Эрдэнэ болон Орхон аймгийн удирдлагууд, УБЭҮ-ийн удирдлагуудад талархаж байгаагаа илэрхийлсэн юм.

БУЛГАН АЙМГИЙН НИЙГЭМ, ЭДИЙН ЗАСАГ БОЛОН ШИЛЖИЛТ ХӨДӨЛГӨӨНИЙ СИСТЕМИЙН ДИНАМИК ЗАГВАРЫГ БОЛОВСРУУЛАХ ТӨСЛИЙН НЭЭЛТ БОЛНО

БУЛГАН АЙМГИЙН ЗАСАГ ДАРГЫН ОРЛОГЧ Д.ЖАРГАЛСАЙХАНААР АХЛУУЛСАН ТӨЛӨӨЛӨГЧИД УЛАМЖЛАЛТ ХАРИЛЦААТ БУРИАД УЛСЫН ЗАКАМЕНЬ АЙМАГТ АЙЛЧЛААД ИРЛЭЭ
Булган аймгийн Засаг даргын орлогч Д.Жаргалсайханаар ахлуулсан төлөөлөгчид уламжлалт харилцаат Буриад улсын Закамень аймагт айлчлаад ирлээ. Закамень аймаг байгуулагдсаны 95 жилийн ойн баярын арга хэмжээнд оролцож, аймгийн Засаг даргын мэндчилгээг уламжилсанаас гадна тус аймаг болоод зарим сумдын төр, хувийн хэвшлийн байгууллагад ажиллалаа.
Албан уулзалтын үеэр өмнөх жилүүдэд хэрэгжүүлж байсан нийгэм, соёл, боловсролын хамтын ажиллагаанаас гадна эдийн засгийн үр өгөөж бүхий хөдөө аж ахуй, жижиг дунд үйлдвэрлэлийн чиглэлээр хамтын ажиллагааг түлхүү хөгжүүлэх тухай санал солилцлоо.

МОНГОЛЫН ҮНДЭСНИЙ СПОРТЫН VII НААДМЫН АНХАН ШАТНЫ АЙМГИЙН АВАРГА ШАЛГАРУУЛАХ ТЭМЦЭЭН
Монголын үндэсний спортын VII наадмын анхан шатны аймгийн аварга шалгаруулах тэмцээн Бүрэгхангай суманд болж тэмцээний шилдгүүдээ шалгарууллаа.
Тус тэмцээний үндэсний бөхийн төрөлд Улс, аймгийн цолтой 64 бөх барилдаж Улсын начин Д.Тамир түрүүлж, улсын начин Д.Амаржаргал үзүүрлэлээ. Шөвгийн дөрөвт аймгийн арслан Б.Сумьяабат, аймгийн Өсөх идэр начин Д.Пүрэвдорж нар орлоо.
Булган аймгийн 16 сумаас 1 тосгоноос ирсэн шилдэг уургач, бугуйлчид, эмнэг сургагчид оролцож авьяас чадвараа сорилоо.
Багийн дүнгээр
Тэргүүн байрыг Булган сумын баг
Дэд байрыг Хялганат тосгоны баг
Гутгаар байрыг Хишиг-Өндөр сумын баг тамирчид эзэллээ.
Шилдэг уургач төрөлд:
1-р байр Булган сумын уургач Шүхэрт
2-р байр Бүрэгхангай сумын уургач Энхгэрэл
3-р байр Хишиг-Өндөр сумын уургач Чулуунцэрэн
Шилдэг бугуйлчийн төрөлд:
1-р байр Бүрэгхангай сумын бугуйлч Ганболд
2-р байр Хялганат тосгоны бугуйлч Рэгзэн
3-р байр Бүрэгхангай сумын бугуйлч Намхайнямбуу
Шилдэг эмнэг сургагч төрөлд:
1-р байр Бүрэгхангай сургагч Даваадорж
2-р байр Тэшиг сургагч Дөлгөөн
3-р байр Булган сумын сургагч Эрдэнэзаяа нар эзэлжээ.
Үндэсний сурын төрөл өнөөдөр үргэлжлэн явагдаж байгаа бөгөөд өнөөдөр орой шилдэгүүдээ тодруулна.

АЙМГИЙН ЗАСАГ ДАРГЫН ЗӨВЛӨЛИЙН ХУРАЛ
Аймгийн Засаг даргын зөвлөлийн ээлжит хурал 06 дугаар сарын 10-ны 10 цагт эхэллээ. Тус хурлаар дараах асуудлуудыг хэлэлцэн шийдвэрлэж байна.
1. Нийгмийн даатгалын хэлтсийн үйл ажиллагаа, цаашид анхаарах асуудлын тухай
2. БШУГ-ын үйл ажиллагаа, цаашид анхаарах асуудлын тухай
3. “Шинэ багш”, “Шинэ ирээдүй” дэд хөтөлбөрийн хэрэгжилтийн тухай
4. Эрүүл мэндийн газрын үйл ажиллагаа, цаашид анхаарах асуудлын тухай
5. “Эрүүл мэнд” хөтөлбөрийн хэрэгжилтийн тухай
6. Хөдөлмөр халамжийн үйлчилгээний газрын үйл ажиллагаа, цаашид анхаарах асуудлын тухай
7. Аж ахуйн нэгж байгууллагын тайлангийн дүнгийн тухай
8. ТЕЗ-ийн 2021 оны санхүүгийн тайлангийн дүнгийн тухай
9. Түгээмэл тархалттай ашигт малтмалын тусгай зөвшөөрөлд санал авах тухай
10. Модны хуваарьт өөрчлөлт оруулах тухай
11. 2022 онд тусгай болон ахуйн зориулалтаар агнах, барих амьтны хуваарьт өөрчлөлт оруулах тухай
12. Аймгийн ИТХ-ын шийдвэрийн хэрэгжилтийн тухай
13. Аймгийн Засаг даргын “Шинэ хөгжлийн зам” хөтөлбөрийн хэрэгжилтийн тухай

АЙМГИЙН УДИРДАХ АЖИЛТНЫ ШУУРХАЙ ХУРАЛ БОЛЛОО
Аймгийн удирдах ажилтны шуурхай хурал Даваа гараг бүр зохион байгуулагддаг билээ.
Энэ удаагийн хурлаар:
1. Онцгой байдлын газрын цаг үеийн мэдээлэл
2. Эрүүл мэндийн газрын цаг үеийн мэдээлэл
3. Байгаль орчин аялал жуулчлалын газраас "бүх нийтээр мод тарих" тухай мэдээлэл
4. ГХБХБГ-аас Булган хотын гэрэлтүүлгийн явцын тухай мэдээлэл
5. Аймгийн баяр наадам зохион байгуулах тухай мэдээлэл зэрэг асуудлуудыг хэлэлцэж аймгийн удирдлагууд үүрэг чиглэл өглөө.