Мэдээ

АЙМГИЙН УДИРДАХ АЖИЛТНЫ ШУУРХАЙ
ХУРАЛ БОЛЛОО
Аймгийн удирдах шатны албан хаагчдын шуурхай хурал болж, цаг үеийн асуудлаар аймгийн удирдлагуудаас үүрэг чиглэл өглөө.
Тус хурлаар:
1. Онцгой байдлын газрын цаг үеийн мэдээлэл
Ц.Батчимэг
(ОБГ-ын Ангилалын сургалт, сурталчилгаа, урьдчилан сэргийлэх асуудал хариуцсан мэргэжилтэн, дэслэгч)
2. Хөдөө аж ахуйн мэргэжил сургалт үйлдвэрлэлийн төвийн сургалт, үйл ажиллагааны тухай
Н.Пүрэвсайхан
(Хөдөө аж ахуйн Мэргэжил сургалтын төвийн захирал)
3. Аймгийн Хадлан бэлтгэл, ургац хураалтын явцын тухай
Ч.Амгалан
(Хүнс, хөдөө аж ахуйн газрын дарга)
4.Соёл урлагийн газраас “Соёлын сэргэлт-2023” арга хэмжээний тухай
(Соёл урлагийн газрын дарга Г.Алдармөнх )
5. Цаг үеийн асуудлаар аймгийн удирдлагаас үүрэг чиглэх өгөх
Д.Алтаншагай
(аймгийн ЗДТГ-ын дарга) нар мэдээлэл хийлээ.

Цахим хөгжил,Харилцаа холбооны яамнаас явуулж буй Төрийн цахим үйлчилгээний талаарх сэтгэл ханамжийн судалгааг иргэн Та доорх QR kodыг утаснаасаа уншуулан бөглөөрэй. Идэвхтэй оролцсон Танд баярлалаа.

Булган аймгийн хойд бүсийн сумдын ИТХ, ЗДТГ-ын албан хаагчдын нөхөрсөг уулзалт-2023
Булган аймгийн хойд бүсийн сумд болох Баян-Агт , Булган, Бугат, Сайхан, Сэлэнгэ, Тэшиг, Хутаг-Өндөр, Хангал мөн Хялганат тосгоны ИТХ, ЗДТГ-ын албан хаагчдын дунд жил бүр уламжлал болгон зохион байгуулдаг спортын 4 төрөлт нөхөрсөг уулзалт тэмцээн Булган суманд зохион байгуулагдаж байна. Тэмцээний нээлтийн ажиллагаанд аймгийн Засаг дарга Б.Ариун-Эрдэнэ, аймгийн ИТХ-ын дарга Д.Эрдэнэбат болон аймгийн Засаг даргын Тамгын газрын дарга Д.Алтаншагай нар оролцож тэмцээнд оролцогч баг тамирчид нийт албан хаагчдад амжилт хүслээ.

“ҮНДЭСНИЙ БИЧИГ СОЁЛ, НОМЫН ӨДРҮҮД-2023” АРГА ХЭМЖЭЭ БОЛЛОО
“Үндэсний бичиг соёл, номын өдрүүд 34 дэх удаагийн Номын баярын арга хэмжээг улсын хэмжээнд бүх нийтийн уншлагыг дэмжих, номын сангийн өв санг арвижуулах, хүүхэд залуусын сурах эрмэлзэлд дэмжлэг үзүүлэх, ном эрдмийг түгээн дэлгэрүүлэх зорилгоор “Номтой Монгол” уриан дор 9 дүгээр сарын 15-16-ний өдрүүдэд тэмдэглэн өнгөрүүлж байна.
Тус арга хэмжээний хүрээнд Аймгийн Төв номын сан, Соёлын ордон, Музей хамтран Ном ба дизайн” үзэсгэлэн, Ном, бичгийн хэрэгсэл модон барын үзэсгэлэн, Виртуал музей, “Номын амт” сугалаа, Монгол, гадаад номын үзэсгэлэн, сурталчилгаа, Шинэ, хуучин номын худалдаа, Бүтээлч уншигч анги хамт олны мэдээлэл танилцуулга, Монгол тоглоомын орон зай, Хуруун хүүхэлдэйн тоглолт, Язгуур үг, Үсэглэлийн хаад хөгжөөнт тэмцээн, Монгол ардын тоглоом наадгай, Монгол ардын аман зохиол, чөлөөт уншлага, Бийрэн бичлэгийн үзүүлэх сургалт, Open Mic зэрэг олон сонирхолтой үйл ажиллагааг хөтөлбөрийн дагуу зохион байгуулж байна.
Мөн тэргүүний уншигч сурагч, анги хамт олон, албан хаагчдыг шалгаруулан шагнаж урамшууллаа.

Аймгийн Засаг дарга Б.Ариун-Эрдэнэ Дэвшилтэт технологи шинэлэг санал санаачилгыг дэмжиж бодитой үр дүн болгож Хиймэл оюун ухаанд суурилсан умайн хүзүүний хорт хавдрын эрт илрүүлэг оношилгооны "CerviCare AI" системийг аймгийн нэгдсэн эмнэлэгт нэвтрүүллээ.

"Хүрч үйлчилье" нэгдсэн арга хэмжээ 2023 оны 09 дүгээр сарын 14, 15-ны өдрүүдэд Баяннуур суманд ажиллаа.
Аймгийн засаг даргын нэрэмжит нарийн мэргэжлийн эмч нарын үзлэгт: доторт 191 , эмэгтэйчүүдэд 62, шүдний эмчид 2-17 насны 393 хүүхэд, сүрьеэ- 211, хэвлийн ЭХО-д 191, цээжний рентгенд 149 хүн үзүүлж, онош тодруулахаар 9 дээд шатлалын эмнэлэгт шилжүүлсэн.
Үзлэгийн үр дүнд нойр булчирхайн архаг үрэвсэл 80 хувийг эзэлж, үүнээс цөсний хүүдийн чулуу 18, цөсний хүүдийн ургацаг 9, бөөрний хавдар 1, бөөрний хоргүй хавдар 7, элэгний бэтэг 1, түрүү булчирхайн томрол 10 илрүүлж, эмчилгээг зааж, зөвлөгөө өгөв.

ИРГЭДЭЭС ИРСЭН МЭДЭЭЛЛИЙН ДАГУУ ХЯНАЛТ ШАЛГАЛТ ХИЙЛЭЭ
2023.09.04
Булган аймгийн Орхон сумын нутаг Нарангийн гүүрийн орчимд “хайрга дайрга олборлож байна” гэсэн мэдээллийн дагуу Аймгийн Засаг даргын Тамгын газрын Хөгжлийн бодлого төлөвлөлт, хөрөнгө оруулалтын хэлтсийн дарга Г.Давааням, уул уурхайн хяналтын улсын байцаагч Т.Наранцацралт, хууль эрх зүйн хэлтсийн мэргэжилтэн С.Амар, Цагдаагийн газрын экологийн цагдаагийн албаны дарга, ахмад Н.Мөнх-Амгалан нарын бүрэлдэхүүнтэй ажлын хэсэг газар дээр нь очиж хяналт шалгалт явуулсан байна.