Мэдээ

“ХАЛАМЖИЙГ ХӨДӨЛМӨР БОЛГОЁ” ХӨДӨЛМӨРИЙН ЯАРМАГ ЗОХИОН БАЙГУУЛАГДАНА

  • .

  • 2017-11-17

  • 73

Аймгийн Засаг даргын “Хөгжлийн хөтөч” үйл ажиллагааны хөтөлбөр, “Хөдөлмөр эрхлэлтийг дэмжих аймгийн дэд хөтөлбөр”-ийн хэрэгжилт болон хөдөлмөр эрхлэлтийн хууль тогтоомжийн хэрэгжилтийг хангах зорилгоор авч хэрэгжүүлсэн арга хэмжээ болон Хөдөлмөр, халамжийн үйлчилгээний газрын үйл ажиллагааг олон нийтэд сурталчилж, хөдөлмөр зуучлалын үйлчилгээг үзүүлэх, ХЭДС, СХС, ЖДҮДС-аас хэрэгжүүлж байгаа төсөл хөтөлбөрийн хэрэгжилтийг тайлагнах зорилгоор “ХАЛАМЖИЙГ ХӨДӨЛМӨР БОЛГОЁ” хөдөлмөрийн яармагийг зохион байгуулах гэж байна.

      Мөн энэ үеэр төсөл хөтөлбөрт хамрагдсан иргэдийн үйлдвэрлэсэн бараа бүтээгдэхүүнээр үзэсгэлэн худалдаа зохион байгуулах, ажилгүй иргэд, ажил хайгчид, ажил олгогчдын мэдлэг мэдээллийг дээшлүүлэх болон сумдын Хөдөлмөр нийгмийн зөвшлийн гурван талт салбар хороодын гишүүдийг чадавхижуулахад яармагийн гол зорилго оршиж байна.

 

 Яармагийн удирдлага зохион байгуулалт, хугацаа, хамрах хүрээ:

 Хэрэгжүүлэх хугацаа:

    10 сарын 27–28-нд Булган аймгийн Булган суманд зохион байгуулна.
    Үзэсгэлэн худалдаа БТСГ-ын Спортын ордонд
    Хөдөлмөр нийгмийн зөвшлийн гурван талт салбар хороодын гишүүдийг чадавхижуулах сургалтыг Булган сумын ЗДТГ-ын хурлын зааланд зохион байгуулна.

Удирдлага зохион байгуулалт:  

Яармагийг удирдамжийн дагуу аймгийн Засаг даргын захирамжаар томилогдсон ажлын хэсэг зохион байгуулж, хэрэгжүүлэх үйл ажиллагааны төлөвлөгөө гарган хэрэгжүүлнэ.

Хамрах хүрээ:   

    Яармаг-Үзэсгэлэн худалдаанд Булган аймгийн Жижиг дунд үйлдвэрлэлийг дэмжих сан, Сум хөгжүүлэх сангаас зээл авсан иргэд болон хувиараа хөдөлмөр эрхлэж буй иргэд
    Хөдөлмөр эрхлэлтийг дэмжих сангаас зээл авсан иргэд, орон нутагт хэрэгжиж буй төсөл хөтөлбөрт хамрагдсан иргэд
    Орон нутгийн ажил олгогч эзэд болон ажил хайгч иргэд
    Сумдын Хөдөлмөр нийгмийн зөвшлийн 3-н талт салбар хорооны гишүүд
    Сумын хөдөлмөр, халамж үйлчилгээний мэргэжилтнүүд

 

Гурав. Зохион байгуулах үйл ажиллагааны чиглэл:

    Сумдын хөдөлмөр нийгмийн зөвшлийн гурван талт салбар хороодын гишүүдийг чадавхижуулах сургалтыг зохион байгуулах
    ХЭДС, ЖДҮДС, СХС-аас зээл авч төсөл хөтөлбөр хэрэгжүүлж байгаа иргэдийн бүтээгдэхүүний үзэсгэлэн худалдааг зохион байгуулах
    Төсөл хөтөлбөр хэрэгжүүлэн ажиллаж байгаа иргэд, аж ахуйн нэгж байгууллагын шилдэгүүдийг шалгаруулж, шагнаж урамшуулах
    Ажил хайгч иргэдийг бүртгэх, ажлын байрны захиалга авч ажилгүй иргэдийг ажлын байранд зуучлах
    Ажил мэргэжлийн чиг баримжаа олгох, бүлгийн болон ганцаарчилсан зөвлөгөө өгөх
    Хөдөлмөрийн харилцаатай холбоотой хууль тогтоомж, Хөдөлмөрийн бүтээмж, ХАБЭА-н талаар мэдээлэл өгөх
    Засгийн газрын болон аймгийн Засаг даргын үйл ажиллагааны “Хөгжлийн хөтөч” хөтөлбөр, аймгийн Хөдөлмөр эрхлэлтийг дэмжих дэд хөтөлбөрийн хэрэгжилтийн тухай мэдээлэл
    Хөдөлмөр эрхлэлтийн чиглэлээр хэрэгжиж байгаа төсөл хөтөлбөрүүдийн талаар өртөөчилсөн байдлаар мэдээлэл бэлтгэх

ХУРЛЫН ТАНХИМЫН НЭЭЛТ БОЛЛОО

  • .

  • 2017-11-17

  • 806

Булган аймгийн Засаг даргын Тамгын газар шинэ байрандаа үйл ажиллагаагаа явуулсаар нэлээдгүй хугацаа өнгөрсөн билээ. Тус шинэ байр нь ажилчид болоод үйлчлүүлэгчдийн тав тухтай ажиллаж, үйлчлүүлэх боломжийг бий болгосон. Өнөөдөр /2017-10-30/ аймгийн Засаг даргын Тамгын газрын нэгдүгээр давхарт хурлын танхимын нээлт боллоо. Уг танхимын нээлтэд аймгийн удирдлагууд, хэлтэс агентлагийн дарга нар, мэргэжилтнүүд, ажилчид болон иргэд оролцлоо. Нээлтийн үеэр төрийн дээд одон медалиудыг гардуулах ёслолын үйл ажиллагаа болсон юм.

 

“НОГООН ГЭРЭЛ ЦАГААН ШУГАМ-2017” тэмцээн боллоо.

  • .

  • 2017-10-31

  • 160

Сургуулийн насны хүүхдэд Замын хөдөлгөөний аюулгүй байдлыг хангах, холбогдох хууль, дүрмийн мэдлэг олгох, замын хөдөлгөөнд аюулгүй оролцох дадал эзэмшүүлэх, гэмт хэрэг, ослоос урьдчилан сэргийлэх зорилготой Булган аймгийн Цагдаагийн газрын Замын цагдаагийн хэлтсээс зохион байгуулж байгаа “НОГООН ГЭРЭЛ ЦАГААН ШУГАМ-2017” тэмцээн Булган аймгийн 1-р бүрэн дунд сургууль дээр өнөөдөр амжилттай болж өндөрлөлөө. “НОГООН ГЭРЭЛ ЦАГААН ШУГАМ-2017” нь сургуулийн насны хүүхдэд бага ангиас нь замын хөдөлгөөнд аюулгүй оролцох дадал эзэмшүүлдгээрээ онцлогтой юм. Тэмцээнд Булган аймгийн 1,2-р бүрэн дунд сургуулийн бага ангийн багш, сурагчид оролцож өрсөлдлөө. Тэмцээн гэрийн даалгавар, мэндчилгээ, хамтдаа, буухиа тэмцээн, урлагийн тоглолт зэрэг 5 төрлөөр явагдаж нийлбэр оноогоор дэлгэрэнгүй . .

“ТӨРИЙН ЗАХИРГААНЫ АЛБАН ХААГЧДЫН ӨДӨР”-ийг тэмдэглэн өнгөрүүлнэ.

  • .

  • 2017-10-26

  • 151

Аймгийн Засаг даргын 2016 оны А/500 дугаар захирамжаар жил бүрийн 11 дүгээр сарын 26-ны өдөр буюу Улс тунхагласны баярын өдрийг Булган аймгийн “Төрийн захиргааны албан хаагчдын өдөр” болгон тэмдэглэн өнгөрүүлэхээр шийдвэрлэсэн. дэлгэрэнгүй . .

Энэ долоо хоног “НЭЭЛТТЭЙ ХААЛГАНЫ ӨДӨР”

  • .

  • 2017-10-17

  • 162

Монгол улсын Ерөнхийлөгчийн 2007 оны 97 дугаар зарлиг, Засгийн газрын 190 дүгээр тогтоолын дагуу Булган аймгийн хэмжээнд "Нээлттэй хаалганы өдөр"-ийг 10 дугаар сарын 16-аас 20-ны өдрүүдэд зохион байгуулж байна.

дэлгэрэнгүй . .

ТӨРИЙН АЛБАНЫ МЭРГЭШЛИЙН ШАЛГАЛТ ЗАРЛАГДЛАА

  • .

  • 2017-10-17

  • 281

Булган аймгийн нутгийн захиргааны байгууллагын төрийн жинхэнэ албан тушаалын сул орон тоог анх орох иргэдээс өрсөлдүүлэн шалгаруулж нөхөхөд төрийн албаны мэргэшлийн шалгалтын зорилго оршино.

дэлгэрэнгүй . .

ХАНГАЙН БҮСИЙН ЦАГДААГИЙН МЭРГЭШҮҮЛЭХ СУРГАЛТ ЭХЭЛЛЭЭ

  • .

  • 2017-10-17

  • 200

Өчигдөр /2017 оны 10 дугаар сарын 09/ Булган аймгийн Цогт хун тайжийн талбайд Шинэчлэн батлагдсан Зөрчлийн тухай хууль, зөрчил шалган шийдвэрлэх тухай хууль, Эрүүгийн хууль, Эрүүгийн хэрэг хянан шийдвэрлэх тухай хуулийн хэрэгжилтийг сайжруулах зорилгоор гүйцэтгэх ажлын мэргэшүүлэх сургалтанд Цагдаагийн Ерөнхий Газрын даргын тушаалаар Булган, Орхон, Хөвсгөл аймгийн Цагдаагийн газруудын эрүүгийн мөрдөгч, хэсгийн төлөөлөгч нарын сургалтын нээлтийн арга хэмжээ боллоо.

дэлгэрэнгүй . .

АЙМГИЙН ЗАСАГ ДАРГА ТАМИРЧДЫГ ХҮЛЭЭН АВЧ УУЛЗЛАА

  • .

  • 2017-10-17

  • 1049

 Турк улсын Измир хотноо /2017.09.25-10.01/ гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнд Монгол улсын шигшээ багийг ахлан АНХНЫ ХҮРЭЛ медалийг эх орондоо авчирсан Булган аймгийн Онцгой байдлын газрын дарга, хурандаа Д.Ууганбаяр, гал сөнөөгч, спортын мастер О.Мөнхтунгалаг нарыг аймгийн Засаг дарга З.Батзориг хүлээн авч уулзаж баяр хүргэлээ.

дэлгэрэнгүй . .

“ХҮНИЙ ЭРХИЙН НЭЭЛТТЭЙ ӨДӨР” арга хэмжээ болж байна.

  • .

  • 2017-10-05

  • 68

Хүний эрхийн Үндэсний комиссын дарга Ж.Бямбадоржоор ахлуулсан ажлын хэсэг Булган аймагт энэ сарын 5, 6-ны өдрүүдэд ажиллаж ”ХҮНИЙ ЭРХИЙН НЭЭЛТТЭЙ ӨДӨР” арга хэмжээг зохион байгуулж эхлээд байна. Тус ажлын хэсгийн бүрэлдэхүүнд:

дэлгэрэнгүй . .

Онцгой байдлын баг тамирчид түүхэн амжилтын эзэд боллоо

  • .

  • 2017-12-23

  • 3080

Турк улсын Измир хотноо 2017.09.25-10.01-ний өдрүүдэд гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээн болж өнгөрлөө. Тус тэмцээнд Монгол, ОХУ, Азербайжан, Австри, Беларусь, Польш, Румын, Чех, Болгар, Хорват, Молдав, Грек, Казакстан, Иран, Латив, БНСУ зэрэг нийт 17 орны эрэгтэй, эмэгтэй баг тамирчид оролцож, хурд хүч, ур чадвараа сорин уралдаж, аваргуудаа шалгаруулжээ. Энэ удаагийн тэмцээний Монгол улсын Шигшээ багийн ахлагчаар Булган аймгийн Онцгой байдлын газрын дарга, хурандаа Д.Ууганбаяр, дасгалжуулагчаар бэлтгэл дэд хурандаа ОУХМ Д.Ганболд нар ажиллаж, байлдааны тархалтын төрөлд 27:08 секундийн амжилтаар ХҮРЭЛ медаль хүртжээ. Мөнгөн медалийг ОХУ, алтан медалийг Беларусь улсын баг тамирчид хүртсэн байна. Уг амжилт нь Онцгой байдлын асуудал эрхэлсэн байгууллагын түүхэнд Дэлхийн аварга шалгаруулах тэмцээнээс хүртэж буй анхны медаль болж байгаагаараа онцлог төдийгүй Монгол Улсын Гал унтраах техникийн олон төрөлт спортын энэ төрлийн тэмцээний дээд амжилтыг шинэчлэн тогтоогоод байгаа юм. Багийн бүрэлдэхүүнд Гал түймэр унтраах, аврах 24 дүгээр ангийн захирагч, ахлах дэслэгч, ГУТОТС-ын залуучуудын шигшээ багийн дасгалжуулагч, ОУХМ Э.Энхбат, Гал түймэр унтраах, аврах 52 дугаар ангийн салааны захирагч, ахлах дэслэгч ОУХМ Н.Нямсүрэн, Гал түймэр унтраах, аврах 22 дугаар ангийн салааны захирагч, ОУХМ, дэслэгч О.Батсайхан, Гал түймэр унтраах, аврах 16 дугаар ангийн аврагч, гал сөнөөгч, спортын мастер Г.Баттулга, Гал түймэр унтраах, аврах 20 дугаар ангийн аврагч, гал сөнөөгч, спортын мастер О.Мөнхтунгалаг, Гал түймэр унтраах, аврах 37 дугаар ангийн аврагч, гал сөнөөгч, спортын мастер Н.Ганбаяр, Гал түймэр унтраах, аврах 56 дугаар ангийн аврагч, гал сөнөөгч, спортын мастер Я.Энхбаяр болон Гал түймэр унтраах, аврах 33 дугаар ангийн аврагч, гал сөнөөгч, 1 дүгээр зэрэгтэй тамирчин Э.Билгүүн нар багтаж, түүхэн амжилтын эзэд боллоо.

Баг хамт олонд баяр хүргэхийн зэрэгцээ Булган аймгийн Онцгой байдлын газрын дарга, хурандаа Д.Ууганбаяр, гал сөнөөгч, спортын мастер О.Мөнхтунгалаг нартаа спортын өндөр амжилт хүсье.

 

 

 

 

 

 

Ахмадуудад шагналын “хур” буулаа

  • .

  • 2017-10-17

  • 208

НҮБ-ын ерөнхий асамблей 1992 оноос эхэлж жил бүрийн 10 дугаар сарын 01-ний өдрийг Олон улсын ахмадын баяр болгон тэмдэглэхийг дэлхий дахинд албан ёсоор тунхагласан билээ.

дэлгэрэнгүй . .

Дэлхийн өсвөрийн эрэгтэй аварга шатарчин Булган нутгаас төрлөө

  • .

  • 2017-10-17

  • 1787

Өсвөрийн шатарчдын Дэлхийн аварга шалгаруулах тэмцээн

дэлгэрэнгүй . .

Хуудас:  1   2   3   4   5   6   7   8   9  .... (нийт 223 мэдээ )

АЙМГИЙН ЗДТГ-ын БАРИМТАТ КИНО

БУЛГАН АЙМГИЙН 2017 оны ОНЦЛОХ ҮЙЛ ЯВДАЛ