Мэдээ

Халдварт, сүрьеэгийн эмнэлгийн шинэ барилгын нээлт боллоо

  • .

  • 2019-12-03

  • 26

Аймгийн Засаг даргын үйл ажиллагааны "Хөгжлийн хөтөч" хөтөлбөрт тусгагдсан Халдварт, Сүрьеэгийн 30 ортой шинэ эмнэлгийн нээлт өнөөдөр боллоо. Улсын төсвийн 2,1 тэрбум төгрөгийн төсөвт өртгөөр тус барилгын ажлыг гүйцэтгэлээ. Нээлтийн арга хэмжээнд Аймгийн Засаг дарга З.Батзориг, Засаг даргын орлогч Ц.Бат-Өлзий, Эрүүл мэндийн газрын дарга С.Нарантуяа, Нэгдсэн эмнэлгийн дарга Д.Баттулга болон нэгдсэн эмнэлгийн эмч, эмнэлгийн мэргэжилтнүүд оролцлоо.

Булган аймаг "АТАР-60" жилийн ойгоо тэмдэглэж байна

  • .

  • 2019-11-28

  • 29

Буудайгаараа алдартай Булган хангайн тариаланчид Атар газар эзэмшсэний түүхт 60 жилийн ойгоо тэмдэглэж байна. Газар тариалангийн салбарын ууган гавьяатнууд Булганы хөрсөн дээрээс төрсөн түүх арвин өгөөж баян хангай билээ. 

"Атар-60" жилийн ойгоор тус салбараас Монгол улсын Ерөнхийлөгчийн зарлигаар "Хөдөлмөрийн гавьяаны улаан туг" одонгоор 9, "Алтан гадас" одонгоор 18, Хөдөлмөрийн хүндэт медалиар 12, аймгийн тэргүүн дээд шагналаар 4 иргэн салбарын болон аймгийн шагналаар олон арван тариаланчид энэ өдөр төрдөө хөдөлмөр зүтгэлээ үнэлүүлэн шагналын хур буулгалаа. Мөн баярын үйл ажиллагаан дээр  газар тариалангийн салбарын шилдгүүдээ тодруулсан юм.

 

“Шинэ хөдөө-Булган” дэд хөтөлбөр

  • .

  • 2019-12-03

  • 14

“Атрын 60 жил”-ийн ойн босгон дээр “Шинэ хөдөө-Булган” дэд хөтөлбөр тайлант өдөрлөгөө зохион байгууллаа. Тус өдөрлөгийн үеэр 2019 онд нийлүүлэгдэж буй төмс хүнсний, ногооны дунд оврын тракторыг 6 суманд, арьс шир боловсруулах тоног төхөөрөмжийг 15 суманд, сүүний хөргүүртэй чингэлэг-6, хүлэмж - 101, өндөр ашиг шим бүхий бух, хуц, ухна зэргийг хүлээлгэн өглөө.

 

“Төрийн захиргаанд албан хаагчийн өдөр”-ийг тэмдэглэн өнгөрүүллээ

  • .

  • 2019-12-03

  • 14

Аймгийн Засаг дарга З.Батзоригийн санаачлагаар Булган аймаг жил бүрийн 11 дүгээр сарын 26-ыг “Төрийн захиргааны алба хаагчийн өдөр” болгон 3 дахь жилдээ тэмдэглэн өнгөрүүлж байна. Энэ өдөр аймгийн Засаг даргын Тамгын газрын Чин Ван Ханддоржийн танхимд Төрийн захиргааны албан хаагчдын тангараг өргөх ёслолын ажиллагаа боллоо. Мөн “Хуулиа хэрэгжүүлье-Хандлагаа өөрчилье” сарын аяныг зохион байгуулж илтгэлийн уралдаан, спортын 3 төрөлт тэмцээнийг амжилттай зохион байгуулж шагналыг нь гардуулан өглөө. Аймгийн Засаг дарга Булган аймагт Төрийн захиргааны албан хаагчийн өдрийг санаачлах болсон зорилгоо танилцуулж нийт албан хаагчдад төрдөө чин үнэнчээр ажиллахыг уриалсан юм.

2020 оны төсвийн төслийг өргөн барилаа

  • .

  • 2019-11-25

  • 23

Монгол улсын Төсвийн тухай хуулийн дагуу аймгийн төсвийн Ерөнхийлөн захирагчийн 2020 оны төсвийн төслийг бэлтгэн аймгийн Иргэдийн Төлөөлөгчдийн Хуралд хэлэлцүүлэхээр хуулийн хугацаанд өргөн барилаа.

Төр, хувийн хэвшлийн зөвлөлдөх уулзалт зохион байгууллаа

  • .

  • 2019-11-23

  • 70

Булган аймгийн Засаг даргын Тамгын газар, Монголын Худалдаа Аж Үйлдвэрийн Танхим, бизнес эрхлэгчид хамтран бизнесийн орчинд тулгамдаж буй асуудлууд, шийдвэрлэх арга замыг тодорхойлох уулзалт хэлэлцүүлэг зохион байгууллаа. Уг хэлэлцүүлгээр бизнес эрхлэгчдийн тулгамдсан асуудалд дүгнэлт өгч, аймгийн онцлогт тохирсон шийдлүүдийг дэвшүүлэн ярилцлаа.

Төрийн албан хаагчдыг сургалтад хамруулж байна

  • .

  • 2019-11-23

  • 21

Удирдлагын академаас зохион байгуулсан “Төрийн байгууллагын гүйцэтгэлийн үнэлгээ” сэдэвт сургалт 2019.11.20-21-ний өдрүүдэд зохион байгуулагдаж, аймгийн Засаг даргын Тамгын газар, агентлаг, байгууллагуудын 24 албан хаагч хамрагдлаа. Тус сургалтад хамрагдсан албан хаагчид Төрийн албаны шинээр мөрдөгдөж буй хуулийн дагуу төрийн албаны гүйцэтгэлийн төлөвлөгөө, тайланг боловсруулах арга зүйд суралцсан бөгөөд байгууллагынхаа бусад мэргэжилтнүүдэд зөвлөгөө, мэдээлэл хүргэж юм.

Төрийн албаны ерөнхий шалгалт боллоо

  • .

  • 2019-11-16

  • 21

Төрийн албаны ерөнхий шалгалтыг 2019 оны 11 дүгээр сарын 16-ны өдрөөс 21-ний өдрүүдэд  Ерөнхий мэдлэгийн шалгалт, Монгол хэл, бичгийн, Дүн шинжилгээ хийх чадварын шалгалт гэсэн 3 үе шаттайгаар, тус бүрдээ босго оноотойгоор анх удаа цахимаар зохион байгуулж дууслаа.Төрийн албаны тухай хуулийн 33 дугаар зүйлийн 33.7-д заасны дагуу төрийн жинхэнэ алба хаах хүсэлтэй иргэнийг сонгон шалгаруулж, нөөц бүрдүүлэх төрийн албаны ерөнхий шалгалт /2019.11.15/ боллоо. Шалгалтанд 178 иргэн бүртгүүлснээс 159 иргэн оролцлоо.

ХИЛИЙН ЗАСТАВ СЭРГЭЭГДЭХ ЭРЧИМ ХҮЧТЭЙ БОЛЛОО

  • .

  • 2019-11-12

  • 122

Сэргээгдэх эрчим хүч үйлдвэрлэгчдийн холбоо, Хил хамгаалах ерөнхий газар газар, Мобиком корпораци ХХК байгуулсан Монгол улсын хилийн бүс нутгийг цахилгаан хангамжийг сайжруулахад хамтран ажиллах санамж бичгийн хүрээнд Булган аймгийн Тэшиг сумын нутаг дэвсгэрт байрлах хилийн заставыг Нар, дизель хосолсон эх үүсвэр ашиглан цахилгаан эрчим хүчээр хангах төслийн нээлтийн үйл ажиллагаа 2019 оны 11 дүгээр сарын 10 -ны өдөр боллоо.дэлгэрэнгүй . .

Авлигатай тэмцэх газар Булган аймагт ажиллаж байна

  • .

  • 2019-10-31

  • 208

Авлигатай тэмцэх газар манай аймагт ажиллаж байна. 

 

Авлигын эсрэг хууль тогтоомж, Авлигатай тэмцэх газрын үйл ажиллагааг сурталчлан таниулах,  хувийн хэвшил, төрийн бус байгууллага, иргэдийн төлөөллийг хамруулсан уулзалт, ярилцлага хийх, сургалт, сурталчилгаа явуулах, тэдгээрийн санал хүсэлтийг сонсох, гомдол мэдээлэл хүлээн авах зэрэг иргэдэд чиглэсэн соён гэгээрүүлэх арга хэмжээг зохион байгуулах юм.

Авлигатай тэмцэх газрын ажлын хэсэг нь удирдамжийн хүрээнд 21 аймагт дор дурдсан хүрээнд ажиллана:

  • Иргэд, олон нийт;
  • Хувийн хэвшил, иргэний нийгэм, хэвлэл мэдээллийн байгууллага;
  • Баг, сумын иргэд;
  • Иргэний танхим, ЭБАТ;
  • Иргэдийн Төлөөлөгчдийн Хурал (Ажлын алба), Засаг даргын Тамгын газар;
  • Гэмт хэргээс урьдчилан сэргийлэх ажлыг зохицуулах салбар зөвлөл.

Дараахь арга хэмжээг авч хэрэгжүүлнэ:

Орон нутгийн удирдлагатай уулзалт зохион байгуулж, хэрэгжүүлэх арга хэмжээг танилцуулах, үйл ажиллагаанд татан оролцуулах;

Иргэдэд чиглэсэн уулзалт, хэлэлцүүлэг, өдөрлөг зохион байгуулах;

АТГ-аас 2018, 2019 онд хүргүүлсэн ЗӨВЛӨМЖ-ийн хэрэгжилттэй газар дээр нь танилцах, дүн шинжилгээ хийх;

Иргэдэд чиглэсэн сургалт зохион байгуулах;

Авлигатай тэмцэх газрын үйл ажиллагааг сурталчлан таниулах;

Орон нутгийн иргэдтэй бичил уулзалт, ярилцлага (нийтийг хамарсан буюу ганцаарчилсан) зохион байгуулах;

Гомдол, мэдээлэл хүлээн авах “110” тусгай дугаар-ын утсыг сурталчлан таниулах;

Гомдол, мэдээлэл хүлээн авах, шаардлагатай тохиолдолд газар дээр нь шийдвэрлэх, зөвлөгөө мэдээллээр хангах;

Авлигын нөхцөл байдал болон АТГ-аас эрхлэн гүйцэтгэдэг судалгааны үр дүнгийн талаар танилцуулга хийх;

Гэмт хэргээс урьдчилан сэргийлэх ажлыг зохицуулах салбар зөвлөлөөс “Авлигын гэмт хэрэг, авлига, ашиг сонирхлын зөрчлөөс урьдчилан сэргийлэх” чиглэлээр хийсэн ажилтай танилцах зэрэг ажлуудыг зохион байгуулах юм. 

Өнөөдөр /2019.10.31/ төрийн албан хаагчдад зориулсан сургалт зохион байгуулсан бол үдээс хойш 14.00 цагаас иргэдтэй уулзахаар төлөвлөөд байна. 

нутгийн өөрөө удирдах болон нутгийн захиргааны байгууллагын эрх бүхий албан тушаалтнуудад тусгайлсан сургалт зохион байгуулах (сургалтын хөтөлбөрийг боловсруулж батлуулсан байх);

орон нутгийн телевиз, сонин зэрэг хэвлэл, мэдээллийн байгууллагын ажилтнууд, сэтгүүлчдэд Авлигатай тэмцэх газрын олон нийттэй харилцах бодлогын чиглэлээр уулзалт, ярилцлага зохион байгуулах, мэдээлэл өгөх, хамтран ажиллах цаашдын харилцааг үүсгэх.

Монголын бурхан шашны төв Гандантэгчинлэн хийдийн тэргүүн хамба лам Д.Чойжамц сүсэгтэн олонтой уулзалт хийлээ

  • .

  • 2019-10-18

  • 63

Монголын бурхан шашны төв Гандантэгчинлэн хийдийн тэргүүн хамба лам Д.Чойжамц Булган сумын сүсэгтэн олонтой уулзалт хийлээ. Тэрээр Бурхны шашны мөн чанарын талаар лекц уншиж, сүсэгтэн олны сонирхсон асуултад хариуллаа.

 

Монгол улсын Төрийн албаны зөвлөлийн дарга Б.Баатарзоригоор ахлуулсан ажлын хэсэг энэ өдрүүдэд манай аймагт ажиллаж байна

  • .

  • 2019-10-31

  • 181

Монгол улсын Төрийн албаны зөвлөлийн дарга Б.Баатарзоригоор ахлуулсан ажлын хэсэг энэ өдрүүдэд манай аймагт ажиллаж байна. Өнөөдөр  Булган аймгийн нутгийн захиргааны байгууллагын удирдах ажилтнуудад зориулсан сургалтад аймгийн удирдлагууд, аймгийн ЗДТГ-ын алба хаагчид, агентлаг, байгууллагын дарга нар, 16 сум, 1 тосгоны төрийн албаны удирдах ажилтнууд зэрэг 230 хүн хамрагдлаа.
Ажлын хэсэг өчигдөр Баяннуур, Дашинчилэн сумдад ажилласан бол маргааш аймгийн удирдлагууд, агентлагийн дарга нар, төрийн албанд ажиллаж байсан ахмад ажилтнуудтай уулзаж, төрийн албаны шинэтгэлийн зарим асуудлаар санал солилцох юм.

Хуудас:  1   2   3   4   5  .... (нийт 426 мэдээ )

Булган 80-н жил