“Ногоон хөгжил хөтөлбөр”

Дэлхий дээр амьдрал үүссэн гол нөхцөл нь ногоон орчин, ногоон байгальтай холбоотойг дэлхий нийтээрээ хүлээн зөвшөөрч эх дэлхийнхээ байгаль орчин, ой мод, ургамлаа хамгаалах, ногоон орчинг бий болгоход гол анхаарлаа хандуулж байна. Нийгэм, эдийн засгийн өсөлт нь байгаль орчинд сөргөөр нөлөөлж байгаа хэдий ч хүн төрөлхтөн эдийн засгийн өсөлтийг байгаль орчны доройтлыг дагуулах учиртай гэж үзэхээ больсон. Технологийн дэвшлийн түвшин, ногоон хөгжлийн үзэл баримтлал нь эдийн засгийн өсөлтийг хангахдаа байгальд ээлтэй хариуцлагатай үйл ажиллагаа, дэвшилтэт аргаар нөөцийг ашиглаж хүрээлэн байгаа орчноо хамгаалах замаар ногоон эдийн засгийн бодлогыг хэрэгжүүлэн экологийн тогтвортой, аюулгүй орчинд амьдрах боломжийг бодит зүйл болгож байна.